我會唔會有左😭

我12月18號尼m,之後12月30號同男朋友做左一次,全程有戴套同埋外射, 1月14號都有做,都係全程戴套同外射。
我用app睇預測我1月19號會尼m,但今日1月23號都仲未尼:sob::sob:我真係好驚會有左。。
我唔敢買驗孕棒,成日都好驚買左一驗到中左就大件事:sob: 但我覺得呢兩次性行為都係好安全,事後更加有check過係無穿。
平時一向都好準時尼m ,最多都係遲一兩日:sob: 通常個app都係好準。
我唔知關唔關夜瞓事,呢排我都係3 4點先瞓,但我上個月都係好夜瞓都無遲尼m​:sob:
我會唔會有左?

Hello @hey22 :relaxed: :wave:t2: 如果兩次發生性行為,有依照正確步驟戴安全套,以及全程都有戴足安全套,咁相信懷孕嘅機會係好微啊。

月經來遲可以有唔同嘅因素,例如最近情緒有起伏、壓力過大、生活作息唔定時、飲食唔均衡等。如果最近都比較夜訓,都有機會有所影響啊。暫時只係遲左4日,都無需太擔心,可以耐心等待一下先 :blush:

特別都想提下,有依足正確步驟戴安全套的話,其實無需射精之前抽出嘅:grinning: 一般安全套嘅設計係有儲精囊,所以係有顧慮到使用者射精之後先抽出。當然你都可以選擇戴安全套嘅時候,射精前都就已經抽出,咁就可以避免到安全套因為射精時衝力太大而破裂嘅風險(如果戴套前手指有按實儲精位置先開始戴套的話,呢個機會率本身都好微嘅) :blush:

不過要留意嘅係,對於部分男性黎講,每次射精前都要算好時間抽出先射精,有時都會有一種無形嘅壓力或者焦慮感,有機會影響日後嘅性表現或者射精情況。

另外,有戴套嘅情況下突然抽出,其實都會有機會反而比單單使用安全套射精後抽出嘅風險大。因為好多人會於呢個突然抽出嘅過程中,無按住安全套開口位置就抽出,導致安全套意外甩左/殘留於陰道內,令安全套裡面嘅分泌物流出 :disappointed_relieved:

所以都建議可以同伴侶溝通一下,未來係咪都希望戴安全套嘅情況下,都係抽出先射精,還是選擇於體內射精後先抽出都可以 :wink: