身體檢查生理反應

想問下被同性/異性醫生檢查生殖器出現勃起,射精等生理反應是否正常?
昨天被檢查生殖器,出現了上面的兩個反應…很困擾…

你好呀 @Ckl :wave:t2: :wave:t2:

都正常嘅,因為陰莖有好多神經末梢,當有外部刺激,例如用手掂到就有刺激,即使係無任何性慾嘅情況底下,陰莖都有可能會勃起,所以都係正常嘅。同埋都想知道你係咪都好少自己掂陰莖架?如果無自慰過嘅話,陰莖嘅敏感度比較高,再加上係俾其他摸,感官上面比較刺激,出現射精嘅情況都唔出奇架,唔洗擔心呀。 :grinning:

都想知道你覺得困擾嘅原因係啲咩架?係覺得出現咁嘅情況令醫生唔受尊重?定係覺得醫生會覺得你諗緊淫嘢呀?你可以放心呀,做開呢啲檢查嘅醫生都好習慣呢個情況架啦,每日都檢查好多嘅人,都有唔少人會出現咁嘅情況,通常醫生都無咩特別想法嘅。 :relaxed:

定係另有原因呀?可唔可以分享多少少呀? :kissing_closed_eyes:

主要係因為係男醫生 :pensive: 如果係女醫生有反應都冇咁尷尬 我係咪有同性戀傾向? :sob:

好似之前同你講咁樣,呢個係一個生理反應嚟嘅,基本上都係感官受到刺激嘅反應。 :grinning:

個情況就好似你俾蜜蜂針咁,被針嘅位置會紅腫同痛,你身體嘅神經因為受傷,因此身體會紅腫,咁樣身體嘅紅腫唔代表你鍾意俾蜜蜂針架嘛。一樣嘅情況,你陰莖俾人摸,只係神經末梢受到刺激,身體作出自動嘅反應,所以都唔代表你鍾意同性架嘛。 :wink:

性傾向會包括情感吸引同性吸引嘅,所以即使係性上面被同性吸引都唔需要覺得自己係同性戀嘅。即使男同性戀者俾異性醫生檢查嘅時候都會有可能出現生理反應,都唔代表佢係有異性戀傾向架嘛。

都想知道你有咩原因會聯想到同性戀呢樣嘢呀,係咪之前有俾人講過而令你擔心呀? :pleading_face:

係咪即係檢查前自己自慰左先會冇咁敏感?
我都怕醫生會誤會我有d咩意圖 :disappointed_relieved:

正如 @Kaleo_StickyRiceLove 所講咁,其實做身體檢查時,不論醫生係咩性別都好,身體出現勃起嘅情況,係好自然及正常嘅生理反應 :blush:

勃起呢個生理反應,並非我地能夠控制。有時可能簡單嘅外部刺激,例如訓覺時棉被壓到、內褲太緊、衣服有摩擦,其實就已經會刺激到陰莖勃起,未必與個人性需要或性興奮有所聯繫。所以檢查時如果出現生理反應,唔代表與自己的性傾向有關。

對於醫生黎講 :woman_health_worker:t2: :man_health_worker:t2:,其實檢查時病人出現勃起嘅情況其實都好常發生,所以都唔需要擔心呢個狀況會對醫生造成困擾,或令醫生誤會你有任何意圖。亦希望你理解之後,可以幫助到你減低困惑嘅感覺啦 :wink:

自慰後陰莖嘅敏感度,有時都唔一定會低咗,反而有時有機會會令敏感度更高 :face_with_hand_over_mouth:。所以我地都好難掌握自慰左之後,係咪確實能減低檢查時陰莖出現生理反應嘅機會。如果你係覺得有呢個需要,或者覺得可以嘗試的話,而嘗試完亦有助你放心一D的話當然可以一試。但係都提醒本來檢查上係無呢一個需要,而自慰後並非每一個人每一次陰莖嘅敏感度都會降低啊