好擔心唔知發生咩事

一直依黎同男朋友發生關係都有戴套 都會check 有冇漏
我上一次黎m 係 08/01/2021至13/01/2021. 我係18/01/2021 同男朋友有安全性行為
但係一星期多啲之後 27/01/2021 下面開始出血(鮮紅或暗紅) 仲有腹痛 個人特別攰 唔知係唔係排卵期出血?點知血量好似開始越黎越多 雖然未到平時黎m 咁多 但係就越黎越多
我依家好擔心唔知發生咩事 係咪應該留意多幾日先?係咪排卵期出血 定係懷孕?:(

你好呀 @wwwwwwww :wave:t2: :wave:t2: :wave:t2:

懷孕嘅話,正常都唔會有出血嘅情況嘅,加上你有用安全套,懷孕嘅風險係好低好低嘅,可以排除懷孕嘅因素,唔洗擔心呀。 :wink:

睇返你嘅情況,的確同排卵期出血有啲相似,但係都想知道幾樣嘢嘅,你依家仲係咪仲出緊血呀?上一個月經週期大概幾耐呀?會唔會同今個月都差唔多? :thinking:

你可以觀察多一日,如果仲出緊血嘅話,就可能要見一見醫生睇下咩事啦。

如果係同上一個月經週期差唔多,就有可能係月經早到咗,你最近有無食緊藥?生活習慣會唔會有好大改變?係咪身體都有病痛?情緒會唔會好大波動?呢啲都係會影響月經週期嘅因素嚟架。 :grin:

如果情況持續同真係好擔心嘅話就要搵醫生啦。 :bangbang:

出血出左兩日 依家出血量去到好似平時黎m 咁(差唔多) 平時都唔會排卵期出血 我有用app 計 平時成個週期大概30日 如果係黎m 早左 就早左10/11日啦 所以好擔心。。。

如果最近身體都無服藥,而生活習慣無太大變動、情緒無好大波動、無特別病痛,過往幾個月都無試過早左10-11日來經的話,今次嘅持續出血狀況的確係較異常 。建議去家計會或其他婦科診所睇睇醫生,了解一下出血嘅原因,會比較安心啊 :blush:

最後出血出左五日就自己停左 血量大約係我平時day 3-4 咁 都幾heavy flow 依家我原本黎m 時間遲左4 日 我係咪應該見一見醫生 有啲擔心 定係等下睇下黎唔黎m

如果最後出血嘅日子同血量都同平時月經差不多,都有機會係月經提早咗嚟。因為月經本身就可以被好多唔同因素影響到有時一啲我哋冇留意到嘅是甚至冇咩特別事發生過都有機會係導致月經出現變化嘅原因。

如果月經提早咗會令你覺得擔心的話,都不妨去搵醫生做一個詳細嘅檢查。即使最後結果係冇事,都可以令自己覺得安心啲!可以考慮去家計會嘅診所或者搵其他婦科專科醫生做檢查。

出血後 月經到依家都未黎 唔知係咪早左 依家同我原本黎m 時間遲左一星期 然後同男朋友有發生安全性行為但係懷疑個套有漏 所以30分鐘內食左事後丸 依家好擔心 事後丸係咪係排卵後就冇用(依家又未黎m 又唔知有冇排卵 我應該點做好

Hello~你係其他渠道都有搵我哋傾咗你嘅情況,所以我哋就唔詳細回覆啦。

簡單來講,事後丸係透過高劑量荷爾蒙去達至緊急避孕嘅功效,包括抑制排卵、增加子宮頸分泌黏液令精子難以穿過、改變子宮腔令受精卵難以著床等等,所以即使已經排卵,只要有正確地服用合適嘅事後丸,都會有好大嘅緊急避孕成效。你係性行為後30分鐘內已經食藥,基本上成效都會好高,唔使擔心。不過值得留意嘅係事後丸係香港係屬於醫生處方藥物,因為唔係每個人嘅身體同情況都適合透過食事後丸去緊急避孕,唔同嘅牌子亦會有唔同嘅荷爾蒙含量同埋服食方法,所以如果藥物唔係經由醫生處方的話都會有一定風險。

現時嚟睇,上次嘅出血好大機會就係月經,之係提早咗到,所以暫時短期內都未必會再見到月經嘅情況。而且事後丸其中一個副作用就係令月經日子同血量出現變化,所以都可以有定心理準備下次月經嘅日子可能會比預期嘅有更大嘅差距。可以等性行為發生7日後再自行驗孕,到時就會有一個初步嘅結果。而比較準確嘅結果就會係性行為發生11日後或者預計月經嘅日子再驗孕而得到,到時都可以在確認結果/