有關M前性行為問題

你好,
請問如果知道女仔黎M日子(假設 1月1日),咁如果我想穩陣D,係 12月30或31日
進行戴套的安全性行為,而佢1月1日真係黎左M,咁係咪代表因為係正常時間黎M,所以唔會有左?
多謝回覆:-)

Hello @Dick2004 :relaxed: :wave:t2: 每個月經週期,子宮內膜都會為孕育胎兒而增厚,如果排出嘅卵子無受精的話,子宮內膜就會剝落,經陰道流出而變成月經。所以性行為後出現月經就代表卵子無受精,亦代表無懷孕 :blush:

不過都提醒番,一般精子可以於女性體內存活約2-3日,所以部分月經週期較短嘅女性(~21日),因排卵日會比較早(約月經週期的第10日),所以有機會黎月經嘅過程中發生的無套性行為,讓精子進入體內後,精子於體內存活的2-3日期間剛好遇上排卵,就有機會導致懷孕 :flushed:。所以對於月經週期較短嘅女性,於黎月經期間越後嘅日子,發生唔安全嘅性行為,就會有越大機會導致懷孕 :pensive:

另外,月經週期亦有好多原因有機會影響,例如最近生病有服藥(特別係抗生素)、情緒有起伏、壓力過大、生活作息唔定時、飲食唔規律等,未必每一次都會準確咁在預計來經日子來經 :blush:。不過都無需太擔心嘅,只要每次發生性行為嘅時候,都有依足正確步驟戴好安全套,就已經能有效咁減低懷孕風險,以及避免性病傳播嘅機會啦 :wink: