今天2月3係經期第四天，本來是帶套的，但射完拎出黎之後有白色液體飛左出嚟，先知穿左，不過平時經期吾準，多數30-35日，甚至再遲，有冇機會中
求回覆TAT
你好呀， @Hihihihihi 
好開心見到你有觀察自己月經週期嘅習慣啊。
「射完拎出黎之後有白色液體飛左出嚟」果啲好大機會係精液嚟嘅，好多時安全套破裂都會出現咁嘅情況。雖然係月經期間，但有啲人係月經期間已經會排卵，特別係你本身經期唔太穩定的話，係呢段時間內精液有直接接觸到陰道，懷孕嘅風險都係相對比較高嘅。 
現時你可以考慮要唔要進行緊急避孕，例如係食事後丸。因為事後丸係香港係處方藥物嚟嘅，要經醫生評估身體狀況再提供適合嘅事後丸。而事後丸有分兩種，分別需要係性行為後72或120小時內服用。如果認為有需要的話可以盡快去家計會或者普通私家診所預約求診。 
如果評估完覺得無需要作緊急避孕，可以係性行為7日後自行驗孕，到時已經會得到初步嘅結果。而係性行為11日或者預計月經嘅日子驗孕，結果都會更加準確。 