事前避孕藥—有左?唔岩食?

Hello~ 我之前一直都有食yaz,但停左大約10個月岩岩上個月開始食番,依家食到第一pack既最後一粒白色藥丸。

但今次食開始,成日都會想嘔反胃唔舒服:pleading_face:,食到大約20日開始流啡,一直去到今日(第28日)。基本上每日都差唔多時間食,最多試過一兩日遲左6個鐘食:pleading_face: 想問會唔會係有左或者隻藥唔岩食? 定係純粹係身體要習慣番?:pleading_face::pleading_face:

唔該哂你:pray:t2::pray:t2:

Hello~ 因為並唔係每個人嘅體質都適合服食避孕藥嘅,而且好似你咁講,唔同人適合服食嘅避孕藥種類都唔同,所以想了解下你服食避孕藥之前有無事先諮詢醫生嘅意見 :blush:?剛開始服食避孕藥/停藥一段時間後重新服用時,因為身體需要時間適應藥效,所以都有機會出現噁心、輕微陰道出血等情況,而依啲情況通常會喺幾星期內消失,所以如果你嘅症狀持續就建議去睇醫生了解返身體狀況同埋係唔係適合繼續服用依隻藥啦 :woman_health_worker:t2: :man_health_worker:t2:

避孕藥所含嘅人造荷爾蒙,可以抑制卵巢排卵,令子宮內膜產生變化,使受精卵無法著床,同埋增加子宮頸分泌物嘅黏稠度,使精子難於穿過黏液,進入子宮腔內,所以佢嘅避孕成效係好高嘅 :relaxed: 不過因為好似頭先咁講,身體需要時間適應藥效,所以喺剛開始服食避孕藥嘅首7日性行為時都必須使用安全套。另外,Yaz避孕藥嘅補食時限係24小時,所以你所提到遲左6個鐘服藥嘅情況係唔會影響到藥效嘅,唔洗太擔心 :blush: