避孕藥食唔食好?

你好 本身都冇經期/經痛問題,每月都準

我考慮食藥係純粹避孕,有多重保障,成日擔心只靠condom怕有意外,但又怕食左藥 hormone改變一旦差左身體返唔到轉頭

我想先問下意見再決定 唔該

Hello~ 的確唔係每個人嘅體質都適合服用避孕藥,例如患有血栓塞、乳癌或性器官癌症、不明陰道出血、嚴重肝病、腦血管或冠狀動脈疾病、嚴重高血壓同糖尿病嘅婦女都唔適宜服用避孕藥。不過為左保障身體起見,無論有無上述情況,都建議先諮詢醫生嘅意見 :blush: 你可以去家計會嘅診所或者一般婦科診所諮詢醫生嘅意見,不過留意家計會嘅診所宜家因應疫情調整左服務時間,而且本身亦需要預約,所以去之前記住先致電查詢開放時間同埋預約就診時間 :wink:

現時嘅避孕藥已經改良左好多,例如有超低劑量嘅避孕藥種類可供選擇,所以只要經醫生評估後確認適合服用避孕藥,而且每年都由醫護專業人員評估身體狀況係唔係適合繼續服用嘅話,都唔需要太擔心會影響身體健康嘅 :blush: 不過因為避孕藥需要每日定時服用先有效,所以你可以考慮下自己嘅生活模式適唔適合服食避孕藥,因為荷爾蒙避孕方法都有其他嘅選擇嘅,例如避孕貼、避孕針、子宮環等等,有關資訊可以參閱糖不甩網站上嘅依篇文章 https://www.stickyricelove.com/post/非阻隔性避孕方法 :blush: