避孕藥食用時間

我已經食咗yaz個半月左右,每日嘅食藥時間係八點半左右,但因為食飯嘅原因,每日食藥時間都唔同,有時會提早15分鐘(8:15左右食)或者遲食15分鐘(8:45左右食),又或者係照返平時8:30食。

想請問咁樣會唔會影響藥效發揮,導致避孕功效下降?

仲想問吓如果我昨天係8:30pm食,但今日係8:45pm食,佢哋相隔嘅時間已經超過24小時,會影響避孕效果嗎?

同埋我想問一下 我今日8:45左右食咗避孕藥 但去到差唔多十點嘅時候有少少胃酸倒流嘅情況下所以嘔咗少少消化緊嘅嘢出嚟 但因為我忍住咗冇嘔到出嚟 留咗喺口腔 然後我就吞返落肚 請問咁嘅情況下 我需要重新補食一粒避孕藥嗎?

Hello請問可唔可以答下我:pray:t2:

Hello~ 避孕藥主要分為兩大類,分別係單一荷爾蒙避孕藥同混合荷爾蒙避孕藥,而Yaz避孕藥係屬於混合荷爾蒙避孕藥,依類避孕藥嘅服藥時間相對無咁嚴謹,如果好似你所講嘅情況,兩日嘅服藥時間相差15分鐘係唔會影響到藥效嘅,唔需要太擔心 :blush:

另外,Yaz避孕藥嘅補食時限係24小時,但講緊嘅係原定服藥時間之後嘅24小時內,即係如果你習慣係大約8:30服藥,而如果你喺第二日嘅8:30忘記服藥嘅話,只要你喺當日8:30起計嘅24小時內補食返都係唔會影響藥效嘅 :blush:

至於你提到胃酸倒流嘅情況,只要喺服藥後3小時內無嘔吐或者嚴重腹瀉都唔會影響到藥效嘅,所以照你所講嘅情況係唔需要補食嘅 :relaxed:

同埋我想問吓 總結以上嘅情況 我今日同男朋友做咗兩次都冇帶套但冇內射 懷孕嘅機率大嗎?因為我驚前日嘔咗少少野出嚟所以會影響到個藥效:pray:t2:

首先你之前提到「嘔咗少少野出嚟」嘅情況,因為只係輕微嘔吐嘅情況,而且你已經持續服藥個半月,所以係唔會影響藥效嘅,唔洗太擔心 :relaxed: 另外,避孕藥嘅避孕原理係透過人造荷爾蒙抑制卵巢排卵、令子宮內膜產生變化,使受精卵無法著床,同埋增加子宮頸分泌物嘅黏稠度,使精子難於穿過黏液,進入子宮腔內,佢嘅避孕成效係高達91-99.7%嘅,所以照你所講嘅情況懷孕嘅機會好低阿 :blush:

好啊唔該曬你:pray:t2::pray:t2: