遲黎m有啲驚..

Hello, 我上個月係3號黎m照計係3日前應該黎咗,但係到今日都仲未黎,上個月23號有同男朋友親密過,有戴套,事後都有檢查過個套冇穿

最近呢2日feel到個肚好漲,有啲谷住谷住咁,有小小頭痛同腰痛,個胸㩒落去都有小小痛咁,分泌物好似都多咗

因為太驚所以喺遲黎m之後個日就即刻買咗驗孕棒check, 個結果係陰性話冇大肚, 雖然係check 咗冇事,但始終佢仲未黎所以都有啲擔心, 唔知係咪愈驚佢愈唔黎

Hello 又係我, 啱啱見到內褲有小小咖啡色嘅分泌物, 唔知係唔係就快黎m, 但我見啲人話著床出血都會係咁…有啲擔心

Hello @Hjk1111 :relaxed: :wave:t2:

如果23/1發生嘅性行為,整個過程都有依足正確步驟,戴好安全套,而事後個套都無穿,咁導致懷孕嘅風險係好微啊,無需太擔心 :blush: 你所指嘅「遲黎m之後個日驗孕」,係即係幾多號?如果係性行為11日後進行驗孕,而過程中都有依足說明書指示,咁相信果次嘅驗孕結果都係較準確及可靠嘅,可以放心啊 :relaxed:

見你有提及到「唔知係咪愈驚佢愈唔黎」,確實有時情緒有起伏、壓力過大,都可能係月經來遲嘅原因。其他有機會導致月經來遲嘅原因,亦包括生活作息唔定時、飲食唔均衡、最近生病有服藥(特別係抗生素)等。如果最近都好擔心會懷孕,嘗試下休息多D,放鬆心情,都可能有助月經週期變得穩定番 :relaxed: :two_hearts:

最近呢兩日嘅身體狀況方面,頭痛、乳房脹痛、腹脹除左可能係懷孕初期徵兆之外,其實部分女性月經來潮之前都會有機會出現類似嘅情況,所以都唔需要太擔心:wink: 其他常見嘅經前症狀,包括:肌肉酸痛、容易疲倦、分泌物增加等。經前症狀會因為每個人嘅身體嘅情況而有所唔同,唔係每一個女性,亦唔係每一次月經都會經歷經前症狀。所以出現頭痛、乳房脹痛、腹脹嘅狀況,都唔一定係懷孕所引起 :blush: 咖啡色嘅分泌物,都有機會係來經前嘅徵兆,可以睇多幾日先 :relaxed:

著床性出血方面,一般血量會較少,顏色較淺,可能會少至只有一滴血,部分人可能血量會多少少。血量係護墊可以承載嘅血量,通常只會一日內一瞬間流完,並唔會似月經咁持續黎4-5日。著床性出血時亦唔會好似黎月經咁身體有劇烈感覺(例如肚痛、頭暈等)。所以從經血量、持續日子、身體感覺上,著床性出血同一般月經都有好大分別 :wink:,不難分辨。所以擔心的話,都可以觀察一下之後幾日分泌物/陰道出血嘅狀況,睇下係咪都似著床性出血,還是比較似經前徵兆/來經啊。