食左事後藥仍然擔心

3/2晚 同男友發生關係 當時冇帶套
佢體外射精. 我一直都有用apps 記錄自己經期 但經期唔係個d 好穩定既人,平均都係32-38日後M. 都試過因為荷爾蒙失調 2個幾月先黎M

對上1次黎M 係27/12/20 - 1/1/21
所以apps 計返係 5/2 會係經期第一日
以往黎M 都會明顯地會感覺到胸脹或爆暗瘡之類但近排感覺唔到
Apps 寫排卵期係 22/1 geh

知道今次性行為冇做好安全措施 有問題
所以我都驚 第2日朝早即刻去家計會見姑娘
首先驗左身 (因為我未黎M, 用正常cycle 28-30日計),result 係negative , 之後俾左事後丸我食,我係完事後13小時內食 食完藥後隔左7個鍾後 有嘔左1次,同下腹keep 住有少少抽住痛咁 應該係個副作用

第2日早上去洗手間後發現有少少咖啡分泌物
之後去2-3次去洗手間都有 就冇了

第3日今早去洗手間時又有少少咖啡色分泌物
之後就冇

但下腹都間唔中有抽住感覺,想知咖啡色分泌物同下腹痛係事後丸帶黎既影響 ? 姑娘advise 話21日後去驗,如果未能M 而result negative 姐係冇事 係荷爾蒙影響.

但我都呢刻都緊張 到底7日後再驗定11日後再驗 始終我重未如期黎M

曾經有諗過食避孕丸去較返好個period

Hello @Kasi :blush: :wave:t2: 好欣賞你知道今次嘅性行為係有導致懷孕嘅風險之後,好快咁就去家計會睇醫生攞事後丸啊 :+1:t2:

服用緊急避孕藥 (事後丸)之後,出現頭痛、噁心、頭暈、疲倦、經痛、腹痛、背痛及乳房脹痛等現象,都係常見嘅副作用。一般情況下,呢D副作用唔會持續多過24小時 :wink:。如果下腹抽住痛嘅情況持續,或者你覺得情況令你覺得困擾的話,都可能要考慮一下要唔要睇醫生複診,了解一下情況持續嘅原因。

參考《家計會-緊急避孕》:

而呢兩日發現嘅咖啡色分泌物,都係正常有機會出現嘅情況。始終事後丸屬高劑量荷爾蒙藥物,服用之後會令女性血液中嘅激素水平突然提高。到激素回落至一般水平嘅時候,就有機會產生子宮內膜部分脫落,導致流啡色分泌物/陰道出血嘅情況。而服用事後丸之後,亦有機會令你下次黎月經嘅日子有所變動,例如提前/延遲幾日。所以如果過往都試過兩個幾月先來經,可能都有定個心理準備下一次嘅月經有機會比預計嘅日子遲左:smiling_face_with_three_hearts:

驗孕方面,如果真係好擔心的話,因為受精卵著床一般需要6-9日,所以性行為7日後驗孕,已經可以有初步嘅驗孕結果。而性行為11日後驗孕,驗孕結果就會較準確同埋可靠 :blush:。雖然之後複診嘅時候,姑娘都會叫你驗孕,不過如果你覺得依家自己情緒比較緊張及擔心,提早驗孕能夠讓你安心D的話,都可以考慮啊。

而考慮服用避孕丸,去調節月經週期方面,建議第一次服用避孕藥之前,先諮詢醫生嘅意見 :relaxed: :woman_health_worker:t2: :man_health_worker:t2:

因為每一個牌子、每一款避孕藥,內含嘅荷爾蒙劑量都唔同,未必適合每一位女性服用,隨便服用的話,有機會導致身體出現嚴重嘅副作用。加上亦唔係每一位女性,都適合透過服用荷爾蒙避孕藥去進行避孕。因此,第一次服用嘅時候,醫生一般會因應你嘅體質,去建議比較合適嘅避孕藥牌子及款式。而睇家計會醫生的話,服用一個月之後,醫生應該都會叫你覆診一次,了解避孕藥對你身體出現嘅影響及副作用,睇睇有無需要轉用其他避孕藥,或者需要停藥 :blush:

多謝你解答
因為我自己係比較易焦慮既人
網上睇左唔少資料
越睇越驚
因為我係有PMS
曾經係試過黎M 前有咖啡色分泌物
所以唔知今次係事後丸 副作用 定係 PMS
今日都仍然有咖啡色分泌物
因為今次發生關係 時間係預計經期前2日
但未必次次準 就更加擔心
姑娘解釋事後丸都有2-3% 失敗
自己都有點亂

明白喺唔確定有無懷孕而又未黎經的確會令人感到焦慮 :pleading_face: 而好多時我地都會希望從網上可以搵到一啲資訊去解釋自己嘅情況從而令自己安心,但係都要留意網上嘅資訊並唔係全部都係真實可靠嘅,加上每個人嘅情況都唔一樣,好難以偏概全咁用黎參考。雖然無一種避孕措施嘅成效係100%,但係都想你知道緊急避孕藥嘅避孕原理係透過人造荷爾蒙抑制排卵或者干擾受精過程,所以佢嘅避孕成效係好高嘅,而你有喺性行為後及時服用已經好大程度咁減低左懷孕嘅風險 :relaxed:

見你提到因為依幾日都有流啡嘅情況所以好擔心,唔知道係唔係因為擔心係懷孕嘅著床性出血? 如果係嘅話,都想提供多少少有關著床性出血嘅資訊,希望讓你了解多啲之後可以幫助你釋除疑慮 :blush:

著床性出血係指當受精卵著床系子宮壁嘅時候,有機會會造成出血嘅狀況,好似 @Sze_StickyRiceLove 上一個回覆所提到咁講, 受精卵著床一般需要6-9日,所以著床性出血並唔會喺性行為之後就立即出現,而且亦唔係每個人懷孕後都會出現嘅情況。一般著床性出血嘅血量較少,顏色較淺,可能會少至只有一滴血,血量係護墊可以承載嘅血量,通常只會一日內一瞬間流完,並唔會似月經咁持續黎4-5日。著床性出血時亦唔會好似黎月經咁身體有劇烈感覺(例如肚痛、頭暈等)。

睇返你所講流啡嘅情況,首先依個情況喺性行為之後嘅第2日已經出現,而且都持續左3-4日,所以就可以排除係因為懷孕而導致嘅著床性出血啦 :relaxed:

好多謝你地既回覆!
昨日早上去洗手間時發現
護墊有啡色分泌物 而且量比較多
然後如廁時有血流出 下腹有痛 係黎月經啦!
今日係第2日 雖然個量唔多 但都安心左
已去左家計會 見姑娘 拎避孕丸
同埋預約做子宮檢查

多謝你地解答
呢個平台幫左唔少好似我咁擔心既人! :relaxed:

1個讚