會唔會有事。。

hi 想問 我1月25號黎完m ,跟住尋日男朋友有係出面磨,但未試過插入,想問會唔會有事。。。。

Hello
想問下你所指嘅「有事」係擔心緊會意外懷孕?定係其他嘅憂慮? :thinking:

如果係擔心懷孕嘅,如果你今次嘅性接觸只有體外摩擦,陰道無直接或者間接接觸到精液或者尿道球腺分泌物(陰莖喺受到刺激嘅時候會分泌透明嘅尿道球腺液,當中有機會含有少量精子),咁你嘅懷孕風險都比較低嘅。精子喺空氣入面嘅存活時間好短,尤其接觸到皮膚抹乾之後,好快就會死亡。 :grimacing:

下次再發生性接觸嘅時候,可以考慮用安全套、指套、口交膜等安全措施(即使只係係陰道外磨擦,都可以使用呢啲工具架!),並且接觸完陰莖分泌物之後抹乾淨雙手再接觸陰道,咁就可以避免精液/尿道球腺液直接或者間接地接觸到陰道。咁樣就可以更加安心地享受性歡愉啦。 :wink:

如果你有其他疑問或者擔憂,歡迎你同我地講,我地會盡力解答你嘅問題! :sparkling_heart:

係指意外懷孕啊 btw thx!!

係咪冇進入陰道或者對方冇射個風險會低啲?

無接觸到陰道的話懷孕風險的確係比較微嘅!不過如果陰莖有直接接觸到陰道,只係無射精,就一樣會有懷孕風險啦,因為即使未射精都有機會有尿道球腺分泌

所以如果性器官會直接接觸到就需要考慮使用適合自己嘅安全措施去減低懷孕同傳播性病嘅風險啦~