避孕藥轉藥 驚有咗🥶

想問下如果第一包食YAZ, 食完YAZ 24粒之後第二日黎m , 黎m 第5日開始轉食優思明
食優思明後第3日 有性交有內射 需唔需要補食事後丸

一般來講如果已經完成咗一包藥又嚟咗M,避孕嘅功效都已經係體內建立咗。YAZ係屬於24+4配方,你係完成24粒藥第二日嚟月經(day 25)。原本按照YAZ嘅食法你應該係嚟M第5日(day 29,亦係新cycle嘅day 1)開始新一排嘅藥物,當日你開始服用Yasmin係無問題嘅。

雖然一般都會建議首次服用藥物頭7日要用返安全套,但因為你係月經頭5日內食,前一個月亦有服用緊避孕藥,如果你食咗Yasmin之後無出現比較嚴重嘅副作用,例如嘔吐,咁基本上避孕嘅功效係依然係你體內嘅,唔洗擔心。

暫時係無太大需要進行緊急事後避孕嘅需要,但如果你覺得食咗會安心啲,都可以睇下聽日有無診所開門,等醫生處方藥物。下次如果再想換藥,係換之前都不妨問一問醫生嘅意見(例如家計會),睇吓新嘅藥物係咪適合自己同埋了解下轉藥嘅過程~

Sorry, 我係day 26嚟m, day 30開始食優思明🥲

會唔會有問題

雖然比預期要開始食藥嘅日子(day29/day1)遲咗一日係day30先開始食藥,但如果你之前果個月每日都有準時食藥的話風險通常高。即使我哋唔理會上一個月食藥嘅狀況,係月經頭5日內開始食藥的話,藥效都係會即時開始有嘅。所以總括而言都係無太大問題,唔需要太擔心。日後小心啲注意日子就可以啦~

優思明係屬於21日粒配方,記住每食完21粒,停藥7日後,無論月經停止未都要開始新一包藥。避免好似今次咁遲咗開新嘅藥,會有助身體盡快適應藥物同新嘅週期~

1個讚

謝謝!

1個讚