O係網上世界,唔好話識另一半,就連識朋友都好困難

本身自己都有玩交友APPS
但愈玩就愈覺得唔對路
傾傾下走左都好小事
就算真係搵倒另一半都好快分手
所以我都諗左好耐係咪我個人GE問題
定根本呢種交友途徑根本就唔WORK

你好呀 @Evelyn :wave:t2: :wave:t2:

都唔洗咁快話洗自己問題嘅,交友apps都係一個平台嚟,就好似你係一個地方識人咁,識完之後交換電話就真係靠你地嘅溝通同埋相處架啦。 :pleading_face:

玩交友apps嘅人真係有好多,每個人都有唔同目的,例如有啲人只係想搵朋友,有啲人想 拍下散拖,有啲人又會只係想搵Sex Partner,當然都會有人會想係交友apps裡面搵到真愛 嘅,只係可能係大家嘅目的唔太一樣,因此就算開始咗,都未必真係好夾到。 :sweat_smile:

就好似你現實識嘅人,都係一樣可能係有以上嘅目的,所以你可以試下係profile裡面打清楚自己想搵一個長久嘅關係,咁樣對方睇到都會知道佢啱唔啱你,減少好似成日都好短時間就完咁啦。 :laughing:

同埋都唔同嘅交友apps都有唔同嘅屬性嘅,而且市面上嘅交友apps都有好多,多啲嘗試下 唔同嘅交友apps都可以知道啲人會傾向係邊種類型,搵到啱嘅平台就比較容易搵到啱嘅人啦。

另外你都可以回想下,之前來來去去好快嘅幾個對象,佢哋會有啲乜嘅特徵,又係點樣開始段關係嘅。再比較下以往咩嘅特質嘅人會同你比較相處到,而呢啲人同來來去去果啲對象又有咩分別,仔細咁睇下咩人比較啱自己。 :thought_balloon:

有好多人都可以係交友apps度搵到真愛架,終有一日果個人都會出現架,加油! :heart: