事後丸有用嗎?

她上一次月經是1月13日,我們在2月4日不小心內射了,10分鐘內吃了事後丸安立婷1粒裝,她說她應該8號月經,但今天11號了,她還沒有來月經,怎麼辦!想問2月4是安全期嗎,機率多大!

可唔可以回覆下:bowing_man:t2:‍♂

佢食完3日之後有食抗生素

安立婷需要係發生性行為後72小時內服食,越早食功效越強。你地係性行為後10分鐘內食咗藥,基本上係可以發揮功效。不過事後丸係香港係屬於醫生處方藥物,唔係每個人嘅身體都適合透過事後丸緊急避孕,所以如果你地食藥前有經過醫生檢查就可以放心。

至於你問安全期,其實月經一日未出現我哋都唔會知道實際周期有幾長,亦都無辦法大概估算到排卵期。所以現時係唔能夠大概知道幾時係所謂嘅安全期或危險期。

服食事後丸後其中一個副作用係影響下一次嘅經期,有機會令日子或者血量改變,所以而家未嚟月經都唔需要太緊張。如果仍然擔心的話,其實係性行為發生7日後驗孕已經會有初步結果,而係第11日後或預計月經日子驗結果就會更加準確。有需要嘅話聽日可以自行驗孕,希望你哋會得到令自己安心嘅結:slight_smile:

食藥後今日第8日都未黎,但佢話有胸脹痛,姐係點

今日驗孕冇事,但仲未黎M,事後丸第8天

求回覆

上面會覆有提及過事後丸有機會導致月經日子同血量上嘅改變,而我哋係冇辦法預計月經係事後丸影響之下會幾時出現(即使無服用過事後丸,其實我哋平日一樣無法準確預計月經幾時會嚟)。而且你哋係發生性行為7日後有自行驗孕,有跟足說明書的話已經會得到初步結果。暫時結果係冇懷孕的話都唔需要太擔心,可以等到性行為11日後(即係今日15號)再驗孕去得到比較準確嘅結果。

而且你有提及對方最近有再服食過抗生素,抗生素係其中一種最常見會導致月經出現變動嘅藥物,而身體不適亦係會影響荷爾蒙水平嘅一大因素,所以可以有定心理準備嚟緊呢次月經係日子同經血狀況上都有機會有比較明顯嘅變動。但只要確保係無懷孕的話就唔需要擔心,可以靜心等候月經來臨。