事前藥一問

我上個月30號開始食美意避,但係M後三日先開始食,本身月經週期都係28-33日左右,想問下食夠7日係咪已經起作用?

係呀~第一次食避孕藥的話都建議係月經頭5日開始服食,然後連續食用7日令藥效係體內建立同埋確保無出現導致失效嘅副作用(例如嘔吐),所以頭7日如果要發生性行為都需要使用埋安全套。

你所指嘅M後3日係指月經開始後第3日就食藥,定係M完結之後3日先開始食藥呢?如果係前者,連續食用7日後,而且冇出現嚴重副作用例如嘔吐的話,藥效就已經係身體內建立。但如果後者的話,我哋會建議連續食藥14日後先進行無套嘅性行為,比多啲時間身體去適應藥效。

另外,雖然事前避孕藥唔屬於處方藥物,不過因為每個牌子所含嘅荷爾蒙種類同劑量都唔一樣,而且都唔係每個人嘅身體都適合食避孕藥,所以都建議大家係食之前搵醫生檢查同諮詢一下先啊~同埋好多時食含有荷爾蒙嘅藥物都有機會出現唔同程度嘅副作用,有時可能比較大都會難以承受,如果發生的話都唔需要即時放棄呢個方法,可以試下轉換其他牌子嘅藥物再試下 :relaxed: