食事後丸經期會遲來嗎

我上一次的月經是11/1
然後我們在26/1愛愛(只是進入了數下)
原訂排卵日大概在24/1
有點害怕所以在28/1吃了事後丸
經期本來應在9/2來的 但現在還沒來
已經驗孕了3次都是沒有的
但是經期還是沒來是正常的嗎

加Ig一齊傾,我同你差唔多 (為保護私隱,個人資料部分已被剷除)

補充:
入咗幾下但係冇射到 最多有一兩滴尿道球腺液
經期遲咗就來成個禮拜
但係我驗咗3次都冇事
我想問下咁樣我會唔會有事㗎:sob:

Hello~事後丸其中一個副作用就係會影響下一次嘅月經,包括日子同埋經血狀況等等,所以係服用後即使月經日子未有係預計嘅日子出現都係唔需要擔心嘅。你係26/1發生性行為,28/1服用左事後丸,原則上依然係可以服用嘅時限之內,所以都唔需要擔心。不過需要留意嘅係,事後丸係香港係屬於醫生處方藥物,唔係每個人嘅身體都適合透過事後丸去緊急避孕,唔同牌子所含嘅荷爾蒙種類同劑量都唔一樣,服食嘅方式(1粒狀vs2粒狀)同時限亦唔一樣(72小時vs120小時),所以服食前最好都係要經過醫生嘅判斷。如果你今次食藥前有徵詢咗醫生嘅意見,亦有按照指示去服用,咁緊急避孕嘅成效後都相對高,唔使擔心。醫生一般係食藥前都會有解釋常見嘅副作用,例如會影響月經等等,了解多啲可能會出現嘅情況就會安心好多啦。

驗孕方面,係性行為11日後驗嘅結果已經會好準確,26/1發生性行為的話,6/2或之後驗孕嘅結果已經係相當準確。如果6/2驗嘅結果都係無懷孕的話咁就可以唔使擔心,靜待月經嘅出現啦~

另外都補充一下:

尿道球腺液當中都係有機會含有精子,而要造成懷孕只係需要一粒精子,所以只要性器官有直接接觸到都係會有風險架啦。

呢方面亦可以參考自己以往嘅週期,其實月經本身就係好容易受唔同外在同內在因素影響嘅事(例如情緒壓力、病過、食過藥、生活作息有大變動等等),即使係無服用事後丸嘅情況之下,好多時月經週期都可以出現變化。好少人係每個月嘅週期日子都一模一樣,或者每個月都完全同一日嚟經。而且除非我哋每日都係醫生嘅指引下使用排卵棒去測試,否則單憑日子係無辦法準確推算到底邊日先係排卵日。即使要幾日,月經一日未出現我哋都唔會知道上一個週期係幾長,變相亦無辦法去計算返到底幾時係「排卵期」。所以都唔可以依賴計算日子去評估風險或者決定要唔要做安全措施呀。

Hello~你嘅情況我哋係你自己嘅post度都有回覆咗,希望幫到你 :wink: 明白大家都會想搵啲經歷緊類似情況嘅人一齊交流一下,不過建議大家係返論壇上面互相回覆,避免留低自己嘅聯絡方法。始終論壇嘅內容係公開嘅,有好多人都可以見到大家嘅內容,留低聯絡方法都會有一定風險,要小心啊~

為咗保障你嘅私隱,我哋會幫你修改你嘅內容,剷除個人資料嘅部份~

唔該嗮你地:sob::sob::sob:
因為遲咗成個禮拜所以真係有d驚 可能我壓力太大 我再等下啦~

壓力大係會影響月經㗎 :persevere:
放鬆心情,希望你快啲嚟m啦~ :smiling_face_with_three_hearts: