我和女友拍拖年多，我O1，她O3。她性格比較內向所以我們親密接觸發展比較慢，現在到了我脫褲、她穿褲、大家互摸的程度。
我發現她對談論親密關係有關的詞彙如「陰莖」「陰道」「做愛」等都唔敢講，淨係講「呢條」「個窿」等，讓我們溝通時效率比較低，要多花時間瞭解她的意思。我覺得佢感覺比較尷尬（我都有小小尷尬但沒她這麼強）。我知道彼此溝通對建立良好的親密關係好重要，所以第一個問題是如何讓她在討論比較親密的話題時感覺自然可以暢所欲言？
第二她說她沒有自慰的習慣。我有鼓勵她開始自慰但她說她沒這個興趣。我擔心如果她沒有自慰就不瞭解自己身體的結構，以後做愛時她會比較難教男伴她喜歡怎樣被摸，從而增加她高潮的難度。我的擔心有理嗎，應該如何和她探討？
補充一些
我通常都會揀一些可以兩人獨處，不會給打擾的地方，然後攬住佢，希望讓她有安全感，之後先同佢討論親密的話題。
佢話佢同前男友冇咩親密接觸所以冇乜呢方面的經驗。
你好 @Joshua 
好欣賞你會同女朋友開放去討論，希望好好地談性。 
有部分人佢哋受教育嘅背景未必係咁開放，屋企人、同輩、朋友等等都未必會談論到性呢樣嘢，特別如果家人比較傳統，會覺得講性呢樣嘢好「羞家」。同埋呢部分人身處嘅環境都未必會講性，男仔會好公開討論邊套AV好睇，邊個AV女優嘅身材好好，甚至會講自己自慰嘅經驗。但反觀比較少女仔會公開講呢啲嘢，所以佢覺得尷尬或者唔識用咩字，都可能係佢環境無乜機會接觸到嘅。 
對於自慰呢樣嘢，就真係唔逼得嘅，因為突然之間要將異物插入身體，都係一件非常困難嘅事，建議可以嘗試幫佢刺激陰蒂先，然後再同佢討論下用性玩具嘅可能性，如果真係唔得嘅話就唔好勉強啦。
但係要留意番嘅係，唔一定要用自慰呢個方法去了解自己嘅身體，第時如果真係有性行為嘅話，雙方都會有感覺，知道點樣先至係舒服啲，所以唔使驚到時佢唔識，而且好多時候人哋摸同自己摸嘅感覺係唔一樣嘅，所以性行為可以留返比兩個人去探索，咁先至會更準確㗎嘛。 
性行為同埋自慰其實好唔一樣，就算佢可以係自慰嘅時候知道自己鍾意邊啲地方被刺激，但係去到性行為嘅時候可能未必一樣嘅。而且對於你女朋友無咩性經驗，佢試過自慰，都知道邊個位係佢覺得舒服，但係佢嘅字典裡面，可能未必能夠好貼切咁形容到俾你聽嘅。 
首先第一步慢慢嚟，佢可能都未必真係咁了解相關嘅知識，一開始可以俾多啲資訊性嘅嘢俾佢睇，介紹吓佢follow下唔同嘅性教育IG，等佢可以認識多啲，佢先會知道點樣去形容啲部位，咁佢同你對話嘅時候就用你的表達得清楚啲啦。或者你都可以分享嗰啲post俾佢睇，例如一啲比較有趣嘅性知識，等佢接觸多啲。之後就實際啲用啲IG Post嘅圖片介紹下性器官嘅外貌呀，講下唔同部位嘅功能呀，咁樣慢慢一步一步嚟幫佢認識多啲。而你係同佢傾計嘅時候都可以繼續好明確咁講果啲性器官嘅字眼，可能佢暫時未必接受到，但慢慢佢都會感受到，係你地嘅親密關係裡面，講呢啲字眼其實係無問題嘅。 
而高潮方面，同認識自己或者了唔了解自己身體結構都會有啲關係嘅，但會唔會因為唔了解而難啲高潮呢？其實又未必真係，因為有啲人可能係身體嘅問題冇辦法感受到高潮，就算幾咁了解自己身體都係冇辦法高潮嘅。反而係雙方嘅配合度，唔同嘅性行為技巧，呢啲先至會影響到高潮嘅難易度。所以反而係之後性行為嘅過程中，更加多去探討唔同嘅姿勢、技巧，先至可以令大家喺性行為嘅過程中感受到歡愉。 
好多謝你畀咁詳細嘅答案，畀咗咁多建議我哋會返去試下㗎啦。唔該晒！