安全套穿左好驚有左

我上一次黎m係1月17到22
係2月9號同男朋友有過性行為 有用套但中間穿了 然後我地即刻暫停然後換過個新嘅套繼續
無用其他避孕措施
如果用28日計應該尋日黎m 但到今日都未黎
我知遲一兩日都好正常 但我而家都好擔心
因為我得17歲
有咩可以令月經快啲黎/有咩可以做
唸緊要不要買驗孕棒試試 但我驚去買會好尷尬

或者而家可否食咩藥(避孕藥/中藥)或者做買運動可以避孕

男朋友仲話係前面穿左 入面已經有少少分泌物 點算好驚:sob:

原來睇錯尋日16號已經係距離上一次黎m第31日:sob::sob::sob::sob::sob::sob::sob::sob: 但我有性行為個日都算係安全期

你好呀 @oneone :wave:t2: :wave:t2:

咁樣放的確好容易令人擔心嘅,但係你地好醒目,發現個套穿咗就即刻換過個,咁樣做係正確嘅,都令你地懷孕嘅風險比較低。 :laughing:

建議你喺18號去買驗孕棒驗一次先,因為嗰日係你係性行為之後嘅九日後, 因為受精卵著床大概需要6-9日,著床之後就會開始分泌人絨毛膜促性腺激素(hCG),而驗孕棒嘅原理係透過測試尿液內嘅hCG 嘅水平去檢測有無懷孕嘅,咁所以大概七日就已經可以得出初步嘅結果,喺11日後驗就會有更加準確嘅結果。 :innocent:

喺法律嘅層面上,因為你已經超過左16歲,所以並唔係一個非法性交,所以都唔需要特別擔心住。

男朋友都講得啱嘅,陰莖係受刺激下會分泌出嘅透明液體,叫尿道球腺液,裏面的確會有少量嘅精子,的確會有懷孕嘅風險,但係你地有換過第二個套,懷孕嘅風險都相對比較低嘅。 :thinking:

另外都想同你講返,安全期並唔係一個有效嘅避孕方法嚟。人體比較複雜,雖然科學嚟講月經週期係28日,但係每個女仔每一個月經周期都會唔一樣,所以都唔洗特別用28日嚟計算自己嘅月經週期嘅。同埋因為月經週期唔一定個個月一樣,所以都好難去推算一個完全準確嘅安全期。 :face_with_hand_over_mouth:

另外,你地都可以檢視返發生咩事令安全套穿咗。例如會唔會唔夠潤滑度?安全套太細?戴嘅時候無擠出頂部儲精囊嘅空氣?

唔夠潤滑度可能係因為女性陰道嘅分泌唔太足夠,因此安全套係摩擦過程中好容易破損,如果真係嘅話,可以下次試下用潤滑劑。

安全套其實都有分size嘅,如果想搵自己合適嘅安全套尺寸,其實都好簡單。 安全套嘅闊度一般都有分M size、L size、XL size等唔同尺寸,一般以mm為單位(例如52mm ± 2mm)。如果過往買安全套之前,都未試過度陰莖尺寸的話,建議可以先度度陰莖嘅圓周。量度嘅方法,就係當陰莖勃起嘅時候,可以用一個卷尺(或類似嘅物件,如繩),圍陰莖一圈,去得出陰莖嘅圓周。然後將 圓周除2,就係安全套所指嘅闊度,下次買安全套要留意返啦。 :wink:

戴安全套嘅時候記住要將儲精囊裡面嘅空氣擠出,因為射精嘅時候會塞滿儲精囊,裡面嘅空氣係抽插嘅時候可能會將安全套逼爆,出現破裂嘅情況架。 :face_with_hand_over_mouth:

因為緊急避孕藥要喺72小時或者120小時內服用先至會有效,你而家已經過咗呢個時間,暫時來講可以先驗孕先,暫時唔好唔信坊間嘅一啲方法,如果到時真係有咗都唔使驚,可以上嚟同我哋講,我哋都會陪着你渡過。 :smiling_face_with_three_hearts:

我今日用一支測了係沒有 但不是晨尿 而家買多左支 咁我應該隔多幾日測多次 明天? 三日後?

根據之前嘅介紹,喺發生性行為7日後驗孕,會得到初步結果,而11日後驗孕,就會得到比較準確嘅結果。你喺2月9號發生咗性行為,如果你擔心呢一次驗孕嘅結果唔準確,你可以喺20號或之後再進行驗孕。 :blush:
目前大部分牌子嘅驗孕棒都有好高嘅敏感性,除非包裝/說明書有指定一定要用晨尿,其實用任何時候嘅尿液都唔會影響結果嘅準確度嘅。只不過晨尿中荷爾蒙嘅濃度會相對比較高,會更加容易見到結果。
明白你而家好緊張,但如果你下次驗孕嘅結果依然係陰性,咁你就要相信結果,唔需要反覆去驗孕。 :x:

同埋之前都有解釋過,每人每次月經週期嘅長度都可以唔同。因為月經、排卵呢啲生理現象係由人體幾個繁複嘅系統互相配合而形成嘅,所以會好容易受到其他因素影響。例如飲食、作息、壓力、藥物等等。你呢排有冇飲食習慣改變?或者係咪休息得好少?你因為擔心懷孕呢一種緊張嘅情緒,都可能會影響月經嘅。 :persevere:

好明白你而家嘅擔憂,但係現階段除咗等待暫時冇咩特別嘢可以做到。你可以嘗試下深呼吸,做下其他有興趣嘅嘢分散下注意力,同信任嘅朋友/家人傾下計,可以舒緩吓緊張嘅情緒。耐心等待,月經會嚟嘅。 :relaxed:

我驗了兩三次都沒有 但月經都未黎 如果我都係唔放心 係咪可以出去診所驗? 例如家計會?但唔知準備唔準都唔知幾錢 定過多幾日驗多次好

Hello~ 就好似Ching咁講,驗孕棒喺性行為嘅11日或之後檢測出嘅結果都係好準確嘅,所以如果你驗左兩三次個結果都係陰性嘅話就已經可以幾肯定係無懷孕架啦 :blush: 當然你亦都可以去家計會進行驗孕,但係都想你知道家計會都係用驗孕棒檢測懷孕結果,所以個結果嘅準確度係同你自己驗孕一樣嘅。如果想進一步獲取更準確嘅結果,可以考慮到醫院驗血,透過驗血檢測出黎嘅懷孕結果係非常準確嘅。

明白性行為後月經遲遲未黎的確會讓人感到擔憂 :pleading_face: 所以你亦都可以考慮到家計會見醫生了解返身體狀況,睇下係有咩原因令月經遲黎。另外,你亦都可以建立以記錄經期嘅習慣,宜家有唔少手機app都可以幫助你記錄經期,讓你更了解同掌握自己嘅週期日數,減少因為唔肯定月經係唔係比平常遲黎嘅擔憂 :relaxed: