呢個問題可能有啲奇怪。
我地試一般傳教士式，但佢話我小腿同大髀都僵硬哂，成個小腿同大髀都夾住左佢條腰，佢要好用先郁到，一同我鬥力佢就會軟左…
最初我都feel到自己因為怕痛而不自覺夾實左佢，後尾而家冇咁敏感，而我已經盡力將對腳張到最開，m字型咁，小腿已冇再夾住佢，但依然未成功。佢依然話我知叫我放鬆啲，但我想講我已經係最放鬆既狀態了。後來我又比較下av入面啲女仔隻腳係點放，我發現佢地大髀係真係張得好開完全唔會阻到男方，而我係要出力，大髀都仲係會阻礙到男方進入，呢個問題好苦惱，我已經有拉筋試下架啦…有人有相關經驗/可比啲意見嗎？多謝你地
你好呀 @empty 
呢個問題一啲都唔奇怪呀，好多啱啱開始有性行為嘅情侶可能都會遇到姿勢唔夾嘅情況㗎，所以有問題就可以上嚟我哋呢度問㗎喇。 
如果本身冇乜點做開運動，你宜家用緊嘅呢個pose要用到嘅肌肉一般都會比較僵硬。可以試下拉埋大脾同pat pat嘅筋，可以參考 https://health.businessweekly.com.tw/AArticleM.aspx?id=ARTL000014820
見到你哋用傳教士式，試咗好耐，好似都唔能夠成功咁，既然呢個姿勢唔得，不如試下另外嗰啲姿勢睇下可唔可以成功插入。例如維持傳教士式，你可以試下就將隻腳放喺男方嘅膊頭上邊，咁樣就唔會有大髀或者小腿阻住男方嘅情況啦。不過要留意嘅係，呢個姿勢可能會插入得比較深，如果係第一次又或者啱啱開始有性行為，可能就要就住同埋慢慢進入，唔好一下子全部進入曬。又或者可以試下女方就咁平躺，將對腳盡量打開，男方身體貼住女方進入，都係一個唔需要用到腳嘅姿勢嚟嘅。如果你哋願意嘗試，都可以試下狗仔式由後面進入，方法就會係女方跪喺床上，然後趴低，上身盡量貼近張床，類似一個貓伸懶腰嘅姿勢，男方喺後面插入，都可以避免腳會阻礙到男方進入架。 