其實係咪有咗

我今個月已經第二個月食yaz,喺今個月月頭嘅時候有一日食完藥一個鐘之後就有輕微嘔吐嘅問題但就冇補食多一粒藥,然後過咗兩日就同男朋友做咗但係就冇帶套冇內射,而且呢兩個禮拜都做咗六七次無套並內射,而我今個月已經遲咗兩日嚟M,然後今日去完廁所抹嘅時候發現咗有一大pat啡色混合住紅色的分泌物,我唔肯定係咪血,十分黏稠。請問我到底係嚟M定係有咗:pray:t2:

我m巾上面有血但係量唔多,我以前第一日嚟都唔會咁少,但我聽講食避孕藥可以減少經血量,唔知關唔關事呢:pray:t2:

Hello~ 雖然喺服食避孕藥之後嘅2-3小時內出現嘔吐嘅情況有機會影響藥效,不過見你提到今個月已經係第二個月食避孕藥,如果有持續同定時服藥嘅情況下,藥效係會正常發揮嘅,所以唔洗太擔心嗰次嘔吐嘅情況會影響藥效,而之後性行為嘅懷孕風險亦都唔大 :blush: 如果下次遇到類似個情況又想加強避孕嘅保障嘅話,可以喺未來7日嘅性行為期間使用安全套,因為性行為時陰莖分泌嘅尿道球腺液(pre-cum)都含有少量精子嘅,所以體外射精並唔係有效減低懷孕風險嗁方法。

至於月經遲黎方面,雖然服食避孕藥可以令經期變得穩定,但係因為身體都需要時間適應藥效,所以喺服藥初期經期有機會唔穩定,而通常持續服藥3-6個月之後,經期就會逐漸變得穩定,經血量亦都會減少。所以你可以觀察下分泌物嘅情況,如果有持續同埋血量有慢慢增多嘅話,就代表係黎經啦 :relaxed:

另外,如果真係好擔心懷孕嘅話,可以喺最後一次性行為後嘅7-11日進行驗孕,驗孕棒最早可以喺性行為嘅7日後驗出初步結果,而喺性行為嘅11日或以後驗孕嘅結果會更準確,你可以買兩個牌子嘅驗孕棒,並按照說明書進行驗孕,如果兩個嘅結果都係陰性嘅話就應該係無懷孕啦 :blush: