有關男性自慰高潮

我是男,有冇方法可以提升男性自慰高潮快感呢?另外,如果自慰高潮精液是流出機會大過射出,有冇問題呢?

Hello @Tik :relaxed: :wave:t2:

提升男性自慰高潮快感方面,你係覺得過往嘅自慰感覺,都係唔能夠有一個令你滿意嘅反應;還是以前曾經滿意過,但係最近嘅情況出現左變化?

提升男性自慰高潮快感嘅方法,可以從生理、心理、技巧角度咁去睇。

生理層面上,如果最近生活壓力比較大,或者休息無足夠,都有機會影響自慰時候嘅表現以及反應。所以充足嘅休息,都係好重要 :blush:

心理層面上,可以嘗試自慰之前調整一下個人嘅情緒及狀態。例如可以先放鬆一下心情、調低一下燈光、播放自己鍾意嘅音樂或者影片、先慢慢撫摸自己其他身體嘅部分等,幫助自己進入狀態。

技巧層面上,可以嘗試轉自慰時雙手移動嘅方式,令自己有唔同D嘅感覺。例如平日習慣上下移動嘅時候,可以嘗試一下從陰莖底部,旋轉式咁轉上去。改變手嘅速度、力度,轉下另一隻非慣用手等,都可以提供不一樣嘅刺激。每個人嘅身體或者神經嘅感覺都可以好唔同,所以都可以多D認識、探索自己其他敏感嘅地方,例如包皮繫帶、會陰、乳頭嘅部分,再於自慰嘅時候刺激呢D地方~ :wink:

間中轉下姿勢(例如企、坐、訓低)、場景(例如床、浴室),以及加入潤滑劑、性玩具都可以係其中一種選擇啊~ 例如自慰杯、陰莖震動器、前列腺震動棒等,都係常見嘅玩具款式,當然都可以再選擇其他自己覺得適合嘅玩具使用。

參考《Healthline: How to masturbate for men: 12 tips on technique, toys and more》

都想了解一下,精液流出機會大過射出嘅情況係幾時開始出現?射精嘅情況比起過往有無咩明顯嘅轉變(例如強度)?而依家流出嘅狀態大概係點樣? :blush:

最近有無服用過藥物,又或者生活、身體上有明顯嘅轉變?

有時隨住身體肌肉嘅能力嘅改變,射精嘅強度以及射精量都有機會有所影響。身體荷爾蒙水平下降,都有機會令高潮嘅快感變低。如果精液流出,無特別影響你高潮時嘅快感,而勃起嘅情況都無明顯嘅狀況出現,都無需太擔心。不過精液流出嘅情況,如果對你黎講都係會有影響自慰時嘅感覺,可以考慮睇睇醫生,了解一下射精情況出現轉變嘅原因,睇下會唔會能夠從荷爾蒙藥物,或肌肉練習(例如凱格爾運動,又稱骨盆底肌肉收縮運動)上,改善精液射出嘅狀況 :relaxed:

1個讚

我係前年底割完包皮後,精液通常都係流出來,割包皮前就唔知啦,因為有包皮包住。

本來我唔覺射或流有問題嘅,我都有高潮及享受過程,但至少最近一個月高潮快感好似冇咁強烈,總覺得差啲。

我前幾日有食感冒藥,只係食咗一兩日,之前冇食,生活及身體冇咩明顯嘅轉變。

Hello~ 割包皮手術同埋服食感冒藥依兩個行為正常係唔會影響射精嘅強度嘅,反而見你提到至少最近一個月高潮快感好似冇咁強烈,就有機會係射精強度減弱嘅原因之一,你可以先嘗試Sze建議嘅轉換自慰技巧同模式,睇下會唔會有助提升自慰時嘅快感。因為性功能亦都受到荷爾蒙等因素影響,所以如果情況依然未有改善嘅話,就建議去睇醫生了解下身體狀況 :blush:

1個讚