有帶環~仲未黎m

上一次經期7/1-13/1。2月13-15 去小便抹有少啡~
之後有冇晒~22/2 驗孕 一條線無懷孕~
依2日體溫高~
應唔應該去睇醫生定係繼續等:cry:
平時經期都會遲~ 但今次遲咗兩個星期`

你好 @2PM :wave:t2: :wave:t2: :wave:t2:

都想知道你戴嘅避孕環係藥性定係物理性銅質個一隻?大概戴咗幾耐?戴環嘅頭三至六個月左右經期都係比較唔穩定嘅。 :thinking:

基本上如果你有帶避孕環嘅話, 懷孕嘅風險都係非常之低嘅,唔使咁擔心住。 :blush:

都想知道你對上一次嘅性行為係幾時呀? 如果係喺11/2之前, 咁你22/2驗孕結果已經比較準確㗎喇,所以都唔使擔心㗎。 :smile:

你都可以睇下避孕環露喺體外嘅尼龍繩,睇下避孕環嘅位置係咪依然正常,果係正常而且你戴咗環都唔係好耐,咁基本上都唔需要太擔心嘅。 :innocent:

於你話擘抹到有少少血,因為使用避孕環其中一個副作用都係會有間唔中少量嘅陰道出血,都係一個比較常見嘅副作用啦,特別係啱啱戴玩嘅頭半年之內都會經常出現,都唔需要太擔心嘅。 或者係你對上一次嘅性行為比較激烈,陰道裏面有少少出血都唔出奇。 :kissing_smiling_eyes:

但係如果你係戴咗避孕環兩三年,無咩特別事,都依然有出血嘅狀況,可能就要去返幫你戴環嘅醫生嗰度檢查下睇下有冇出現啲咩異常。 :thinking:

你最近會唔會身體有啲病痛, 又或者生活嘅習慣有好大嘅改變,因為影響月經週期嘅原因有好多, 例如會唔會食緊藥喇、最近會唔會成日失眠、情緒有冇好大嘅波動等等,都有可能令月經早左或者遲咗,所以都唔需要特別擔心嘅。 :wink:

我哋好難用一個徵狀去判斷係咪懷孕,例如你所講嘅體溫高,都有可能係因為其他嘅情況而影響到,所以基本上都好難用一個症狀去判斷係咪真係懷孕嘅。 :grin:

:woman_facepalming:沒有記下:heart::heart:日子~記得只有一次內射~已帶環差不多2年~上年10月檢查正常~自己檢查也摸到線頭~有機會宮外孕嗎?

如果檢查正常,亦都冇乜嘢異常,基本上懷孕嘅風險都好低嘅,因為子宮環嘅意外懷孕機率係0.6-0.8%,係非常之低嘅,所以都唔使特別擔心。同埋你戴咗兩年嘅話,其實都比較穩定架啦。如果真係好擔心嘅話,都可以去返戴環嘅醫生度檢查下嘅。 :wink:

雖然你唔記得咗對上一次性行為嘅日子,但係你可以大概估算,喺差唔多11日嘅時候,可以用驗孕棒驗孕,不過因為你有帶子宮環,基本上懷孕嘅風險好低,唔使太擔心㗎。 :laughing:

子宮環嘅原理係促進子宮內嘅環境產生變化,令到精子嘅活動能力減低,同時亦都令卵子係輸卵管裏面越動嘅速度下降,萬一真係受精,都能夠阻止受精卵著床。所以宮外孕嘅風險都係比較低嘅,唔使特別擔心。 :grin: