我最近開咗第三盒yaz，喺今日8:30食完藥之後，11點半嘅時候肚痛去咗一次大便，但因為佢係水狀，所我唔知算唔算腹瀉，所以我就有啲擔心會影響到嗰藥效
所以請問會唔會影響到嗰藥效？我需要補吃嗎？
你好 @Vgvghvgy 
唔使擔心嘅，唔會影響到藥效， 亦都唔需要補食。 
你8:30食藥，11:30先去廁所，基本上呢段時間已經足夠身體吸收藥物架啦，唔洗特別擔心架。
同埋你已經食到第三個月， 咁基本上如果你之前嗰兩個月都冇出現咩副作用，同埋都有準時食藥，基本上個藥效都係體內好穩定咁建立咗㗎啦。 
通常腹瀉嚟講嘅話都唔會影響個藥效嘅，因為如果你腹瀉嘅話，通常藥物已經經過咗你個胃，先至可以屙到出嚟，如果經過咗你個胃，藥物已經被吸收㗎喇，所以都唔需要特別擔心。比較擔心嘅係嘔嘅情況，因為嘔係將你胃裏面未消化嘅嘢嘔出嚟，呢個時候藥物有機會喺胃裏面未消化，嘔咗出嚟，先至需要補食。 
不過如果你真係好擔心嘅話，未來七日都可以另外再使用非荷爾蒙式嘅安全措施，例如避孕套咁樣，咁就安心曬啦。 
不過你腹瀉嘅情況最好都係去睇下醫生，檢查下發生咩事啦，保重身體啊 
好呀唔該晒你