如何催經?

我月經遲了13日仲未黎 用驗孕棒驗了幾次都negative 我有咩方法可以等月經快啲黎?例如飲紅糖薑茶 敷肚 定應該睇西醫/中醫? 定藥房/萬寧/屈臣氏有無啲催經藥/調整經期藥可以買黎食? or有無啲咩避孕藥/其他方法可以令月經黎?
定去驗血會比較好

Hello~ 月經遲黎係有好多因素影響嘅,例如生活習慣改變、心理壓力大、生病服食過藥物等等,所以遲黎經並唔一定等於懷孕,而如果過去依個月經週期內發生性行為時都有使用有效嘅安全措施嘅話,懷孕嘅機會係唔大嘅 :relaxed:

如果擔心有懷孕嘅風險嘅話,最可靠同快捷嘅方法係喺最近一次性行為嘅7-11日後/預計來經嘅日子進行驗孕,因為驗孕棒係透檢測尿液中嘅人绒毛膜促性腺激素 (hCG) 水平去測出懷孕結果嘅,依種激素會喺受精卵著床之後開始分泌,而受精卵著床大概需要6-9日,所以驗孕棒可以喺性行為嘅7日後驗出初步結果,而喺性行為11日或以後驗出嘅結果會更準確,而如果喺依段時間內檢測完而想再次確認結果嘅話,就可以等到預計來經嘅日子進行驗孕,依個時候如果已懷孕嘅話,hCG水平已經上升至高水平,所以得出嘅驗孕結果亦都係好準確嘅。你可以睇返自己係唔係喺有效嘅時間內驗孕,亦都要留意有無跟從說明書嘅指示進行驗孕,如果兩者都做得正確而結果係陰性嘅話,咁就應該係無懷孕架啦 :relaxed:

至於有關催經嘅方法,無論月經遲黎係咩原因所致,都唔建議自行購買催經藥或者使用一啲坊間嘅催經方法,除左有機會催經無效之外,更加可能會傷害身體 :pleading_face: 所以建議你去睇醫生了解返身體狀況,睇下有無需要催經,而睇中醫定西醫就視乎你個人嘅喜好 :relaxed: 另外,避孕藥係有調經而唔係催經嘅作用,一般持續服食3-6個月後月經逐漸會變得穩定,但因為並唔係每個人嘅體質都適合服食避孕藥,所以都建議先諮詢醫生嘅意見 :blush: