你好，想問第一次食避孕藥，食唔夠7日食到第6日有冇效果呢？
服用時間係中午12:00如想改時間，提早12小時食變為夜晚12:00食可以嗎？會唔會影響藥效？
第一日食係沒有月經來時食 食之前已驗孕 沒有懷孕
如食到第6日有性行為，但沒有用安全套大機會懷孕？
Hello
首先想問下你第一次食避孕藥之前有冇去咨詢下醫生意見呀？因為唔係個個人嘅身體狀況都適合服用避孕藥，例如有心臟問題、糖尿病、高血壓、免疫系統問題、肝臟問題嘅人就通常唔建議食避孕藥；而且市面上有好多唔同牌子／款式嘅避孕藥，每款含有嘅荷爾蒙成份同劑量都唔同。所以建議第一次服用避孕藥之前，要睇下醫生，等醫生幫你檢查下你嘅身體狀況係咪適合食，同埋適合邊一款避孕藥。家計會診所／母嬰健康院／某啲私家診所都有提供呢個服務嘅，你有需要可以去預約㗎。 
一般嚟講，避孕藥嘅第一粒要喺月經期間服用（月經週期第1至第5日）。而你話你第一日食係「沒有月經來時」，都想了解下你記唔記得嗰日係月經週期第幾日？係月經完咗一段時間後？定係你月經期比較短（可能只有3日會有經血），你其實都係喺月經週期5日內食？ 
同埋都想了解返你驗孕嘅時候距離上一次發生性行為有幾耐？ 
如果係7日內嘅話有機會會驗唔到懷孕嘅。
而第一次服藥（第一粒藥喺月經週期頭5日內服用嘅情況下）嘅頭7日喺發生性行為嘅時候都建議使用安全套，因為身體需要時間去適應避孕藥同埋建立藥效。如果你服藥6日期間冇嘔吐／肚痾呢啲副作用，咁雖然食藥第6日嘅性行為有一定嘅風險，但並唔係太高。 
而如果你第一粒藥係喺月經過後幾日先食，其實唔知道你係咪已經排卵，所以藥效可能會受到影響，身體需要更長嘅時間去適應。為咗穩陣，會建議至少7日、最好頭14日期間發生性行為嘅時候都要用安全套，避免懷孕風險。 
通常服藥1至3個週期身體就會適應，建立到穩定嘅避孕效果，副作用亦都會消退，但對於避孕藥嘅適應情況係因人而異嘅，需要嘅時間未必個個相同。
如果你擔心嘅話，你可以考慮自行驗孕，喺發生性行為後7日驗孕可以得到初步結果，而11日後驗孕就會得到比較準確嘅結果啦。
避孕藥建議要每日喺相同嘅時間食。如果你想改變時間食嘅話，建議你食完一排食下一排嘅時候轉。但如果你食緊呢一排藥嘅期間想轉時間，就要兩次服藥期間唔超過24小時（例如你今日中午12點食藥，然後夜晚12點再食一粒，再之後嘅日子都要夜晚12點食藥），而且唔建議頻密地大幅改變食藥嘅時間。
如果你擔心唔記得／記錯時間食，你可以設定鬧鐘或者用一啲提醒食藥嘅app，咁就可以避免漏食藥或者記錯時間啦。 
同埋如果你冇睇醫生就食，覺得食完有啲副作用／唔舒服，咁就要盡快揾醫生幫你檢查下啦。而如果你暫時都覺得冇乜唔舒服，都要記得服藥期間每年都要去搵醫生做檢查，確認你可以繼續食藥。 
多謝你回覆 ，有睇過醫生依加食緊輕樂偶 ，本身自己月經不準時，所以睇醫生佢就話食避孕藥會好啲
性行為已經係隔咗兩星期驗咗冇懷孕
多謝你回覆 ，有睇過醫生依加食緊輕樂偶 ，本身自己月經不準時，所以睇醫生佢就話食避孕藥會好啲
性行為已經係隔咗兩星期驗咗冇懷孕