Hello 我上上個月個經期係3/1-9/1, 上個月係6/2-12/6, 之後都同男朋友有親密行為, 每次都有戴套, 分別係 14/2, 18/2, 26/2, 28,2. 我地之後都有檢查過冇穿, 試過吹氣綁實再禁落去都冇漏氣. 有時見到個套上面有好少嘅白色固體, 想問個啲係精液定白帶…
但我今日就開始覺得有少少乳房漲痛, 下腹悶痛 同埋腰痛, 我想問下呢啲症狀係因為就快嚟m 定係懷孕初期症狀, 同埋我咁樣懷孕嘅機率係咪都好微? 我好驚個套會有側漏嘅情況發生…
唔該晒
Hello~ 照你所講嘅情況，過去嘅月經週期內每次性行為都有使用安全措施，懷孕嘅機會係唔大嘅，唔洗太擔心 
而有關如何減低安全套失效方面，其中樣好重要嘅係要喺配戴時將儲精囊內嘅空氣擠出，咁就可以避免安全套因為射精時嘅氣壓轉變而造成破損，如果想了解多啲有關正確使用安全套嘅資訊，可以參閱我地糖不甩網誌上嘅依個post 
https://www.stickyricelove.com/post/__安全套
至於你提到性行為後安全套上嘅白色液體，有機會係性興奮時陰部分泌嘅巴氏腺液，因為佢嘅濃稠會隨住月經周期、性刺激等情況改變，所以係會呈透明或者乳白色狀。見你提到性行為後都有檢查安全套有無破損，所以都唔洗太擔心精液會洩漏出安全套外阿
而按照你過往嘅經期去睇，你提到嘅身體狀況有機會有機會係月經前嘅症狀，如果症狀無加劇嘅話都唔需要太擔心嘅，因為情緒都會影響經期 
如果真係好擔心懷孕嘅話，可以喺最近一次性行為嘅7-11日後進行驗孕，驗孕棒最早可以喺性行為嘅7日後驗出初步結果，而喺性行為嘅11日或以後驗孕嘅結果會更準確，因為唔同牌子嘅驗孕棒嘅使用方法都唔一樣，所以為左確保驗孕結果有效同可靠，記住按照說明書嘅指示進行驗孕，如果結果係陰性嘅話就應該係無懷孕啦
另外，如果覺得使用安全套未能令自己放心嘅話，可以考慮下其他安全措施，例如避孕藥、避孕針、子宮環等等，不過就要留意只有安全套先可以預防經性傳播嘅疾病，有關荷爾蒙避孕方法嘅資訊可以參閱我地網誌上嘅依個post: https://www.stickyricelove.com/post/非阻隔性避孕方法
Hello 又係我 我3月9號個日開始黎m, 但唔知點解今次好似黎得5日,平時多數都係7日先完 想問下個啲係真嘅月經定係網上講嘅懷孕初期出血？？有啲擔心…
1個讚
Hello~ 見你提到擔心今次月經其實係懷孕後嘅著床性出血，首先著床性出血並唔係懷孕後必然出現嘅情況，而且著床性出血並唔會好似月經咁持續一段時間嘅，通常都係喺一日內嘅一𣊬間就流完，而血嘅流量亦都係一塊護墊可以承載到嘅，所以照你所講嘅情況就唔係著床性出血啦，唔洗太擔心
至於月經嘅流量方面，其實係會受好多唔同嘅因素影響嘅，例如生活習慣改變、心理壓力大、生病服食過藥物等等，所以都唔洗太擔心阿 只要保持規律嘅生活習慣同埋適時放鬆心情就可以有助經期穩定