好驚。。茶飯不思。。

2月6號同女友sex完,做完拔出黎既時候發現個套甩左。。但所有野都係套入面…所以無理佢。。呢幾日女友遲左黎M…早幾日飲完酒第二日話想嘔(平時飲唔會咁) 依家好驚中招。。。

問:

  1. 上網計過,咁岩2月6係第一日危險期,會唔會真係咁好彩中左?
  2. 因為真係未準備好,假設中左做人流會唔會對以後有影響?
  3. 佢過去2個月都好準時,計埋今日遲第6日,之前試過遲十日,應唔應該等多幾日?

感謝。。。心急人上

你好呀 @Iamdin :wave:t2: :wave:t2: :wave:t2:

如果你哋喺性行為嘅過程當中,全程都係有帶安全套嘅,只係掹出嚟嘅時候發現個套甩左,而啲精液又無流出嚟, 懷孕嘅風險都唔高嘅。我哋好難用一個症狀去判斷一個人係咪懷孕,因為好似你咁講,你女朋友飲完酒第二日想嘔,雖然以前未試過,但係宿醉都可以係一個導致嘔嘅原因。 :nauseated_face:

1)以28日為1個月經週期嚟講,女性每一次生理周期總共有兩個安全期,以嚟M果日就係月經週期嘅第一日計起,由果一日開始計起頭7日就會係第一個安全期。第二個就係月經週期嘅最後7日。姐係月經週期嘅頭1-7日同21-28日都係安全期。亦即係可以理解為以月經嚟果一日作標準,前7日同埋後7日。而月經之後第8日到下一次月經之前6日都係危險期,呢段時間可能會令精子同卵子相遇而導致懷孕。

同埋一個月經週期係計第一日嚟月經去到下一次嚟月經之前果一日,所以女友一日未嚟月經,我地都唔能夠知道佢嘅月經週期有幾長,變相都唔可以話知道佢嘅安全期或者危險期係幾時架。網上嘅月經週期計算器,通常都只係用28日作為標準,只可以作為一個參考,唔一定完全同你嘅狀況一樣。 :thinking:

但係,月經週期係受健康狀況、荷爾蒙變化、壓力、生活習慣有冇好大改變、有無好大嘅情緒變化等等等好多原因影響,好難憑最近一次月經週期準確計算安全期或者危險期嘅日子,同埋並唔係每個人嘅月經週期都不一定係28日嘅。 :relieved:

2)又唔使咁快就擔心要終止懷孕先,可以先確定有無懷孕先架嘛。其實最快可以喺性行為後7日就可以用驗孕棒驗孕,已經會有初步結果;而性行為後11日或者預計月經嚟嘅日子驗嘅話,個結果都準確㗎啦。記住要跟返說明書裡面嘅步驟去做呀,係指定嘅時間內睇驗孕結果,因為每個牌子都會有唔同架。
以你嘅情況,你可以聽日就去買驗孕棒,呢個時間已經比起你預計月經嚟嘅日子過咗少少,個結果都非常可信同準確架啦。 :smiley:

另外,現時係香港終止懷孕有兩種, 就係用藥物或者手術終止懷孕。當然你用藥物終止懷孕嘅話,對身體嘅創傷就冇咁大,但係如果你真係需要終止懷孕,請你去家計會度預約,醫生會同佢做個身體檢查,睇下佢嘅狀況適合做邊種,又或者適唔適合去做終止懷孕。 :sunglasses:

3)好似頭先咁講, 月經週期受到好多嘢嘅影響,你都講過,女友係未有果次性行為嘅時候都曾經有遲十日嚟月經,所以本身月經因每個人、每個月唔同嘅情況都會有偏差,唔使咁擔心住,諗吓女友會唔會病過、食過藥或者有之前提及嘅情況,如果有,都可能影響月經週期架。 :grin: