性愛後夜裡下腹疼痛

男朋友插得太入太大力開始痛 所以暫停左一陣去休息 曾經試過咁所以唔驚唔跟著休息一兩個鐘之後就休息 跟著都無嘢嘅 然後夜晚我就食左啲好熱氣嘅嘢 依排食得清淡琴晚炒熱氣因為有藥材成分 跟著夜晚無啦啦訓訓下痛醒 好似放屁谷住咁痛 痾左尿放玩屁係舒服啲但跟著又痛放完就舒服啲 搞到我好驚係因為性行為咁定食熱氣嘢搞到咁 :upside_down_face:

超熱氣因為有藥材湯*

Hello
想同你確認返,你所講嘅痛係講緊腹部痛唔舒服?定係有其他地方痛? :face_with_monocle:

如果係肚痛嘅話,有時性行為當中動作比較激烈,或者保持某個姿勢比較耐,的確有機會腹部出現輕微嘅痛楚,通常休息一晚就會好返嘅。應該唔會出現會痛醒嘅情況。所以你唔舒服嘅狀況應該唔關性行為事。 :relaxed:

而飲食同消化系統出現問題都會令到肚痛嘅情況出現。你有提及你突然飲食發生轉變,由清淡嘅食物轉為比較熱氣/油膩嘅飲食,呢種轉變可能令消化系統一時適應唔到,容易產生肚痛、肚脹呢啲感覺。甚至可能你食錯嘢、識得過飽都會影響腸胃。所以你會覺得個肚好痛,谷住唔舒服。同埋都想知道多少少你個中藥湯係有咩藥材㗎?平時你有冇食過類似嘅藥材或者食物?如果藥材成份比較多,你之前又未食過,可能你嘅體質未必適合呢啲藥材,所以你會唔舒服。如果肚痛情況持續,甚至更加嚴重,咁就要盡快去睇下醫生啦。 :man_health_worker:t2: :woman_health_worker:t2:

另外都仲有可能因為經前不適,令你有肚痛肚脹嘅感覺。同埋經前荷爾蒙嘅改變亦有機會影響腸胃嘅消化功能,可能你食完熱氣嘢/含有中藥成份嘅嘢之後,呢種不適嘅感覺就更加明顯。而經前不適嘅徵狀同持續時間就因人而異,每人每次月經週期都可以唔同,隨著月經出現,經前症狀就會消退嘅。 :blush: