無套手淫有性病機會

Hi 你好啊, 我琴日去左樓上骨,咁我忍唔住就無套手淫,想問下我會有機會中招嘅機會大唔大?
PS. 我生殖器宮冇傷口己小姐手上亦唔見有膠布, 小姐幫我做完後就去左清洗雙手。

補充番小姐有摸過我肛門

你所講嘅「中招」係指咩?係指感染性病? :face_with_monocle:

性病嘅傳播途經有:血液、精液、陰道分泌等體液交換;有損傷的皮膚、眼睛、口腔和鼻腔等黏膜交換。所以冇使用安全套嘅口交、陰道交或者肛交係比較高風險嘅性行為。但你當日只係手交,而對方嘅手係冇開放性傷口(流緊血/有破損),咁手交嘅過程都係好低風險嘅。所以你呢一次嘅性接觸感染性病嘅風險好低,唔需要擔心。 :blush:

你產生呢種擔心,可能都係因為社會文化中對性服務工作者嘅歧視同污名化,將佢地同「污糟」/「有性病」聯繫。但其實大部分性工作者都會為自己嘅身體健康,做好安全措施保障自己,亦會定期去檢查身體確保自己嘅健康狀況。佢地成為性病嘅高危人群反而係因為客人唔肯用安全套,甚至性行為過程中偷偷除咗安全套,令性工作者由佢地身上感染到疾病。
如果你擔心,你下次可以喺發生性接觸之前戴好安全套,咁就可以更加安心啦。