擔心尿道炎期間親密行為

SEX:: 有關性的
1 
   Hello，我上次經期日子係2/27-3/3，3/5同伴侶有親密行為但係沒有插入只係用手同口，但係3/6我發現自己有尿道感染嘅感覺😣
   我3/6-3/8期間都有服食有關尿道炎嘅消炎殺菌藥，但係今日(3/8)我同伴侶都有親密行為，無插入只係體外摩擦，期間我覺得下陰有啲不適，立即停止！但係我都好擔心咁樣會唔會有其他感染，同埋擔心周期第10日會唔會有懷孕風險🥺
   我需要11天後進行驗孕確定嗎？同埋尿道炎期間是否不可以進行親密行為？

有啲長篇麻煩回覆:bowing_woman:t2:

2

Hello，我上次經期日子係2/27-3/3，3/5同伴侶有親密行為但係沒有插入只係用手同口，但係3/6我發現自己有尿道感染嘅感覺:persevere:
我3/6-3/8期間都有服食有關尿道炎嘅消炎殺菌藥，但係今日(3/8)我同伴侶都有親密行為，無插入只係體外摩擦，期間我覺得下陰有啲不適，立即停止！但係我都好擔心咁樣會唔會有其他感染，同埋擔心周期第10日會唔會有懷孕風險:pleading_face:
我需要11天後進行驗孕確定嗎？同埋尿道炎期間是否不可以進行親密

3

如果你地只有體外摩擦，過程中陰莖嘅分泌物，精液同埋尿道球腺液（陰莖受到刺激嘅時候會分泌透明嘅尿道球腺液，當中有機會含有少量精子）冇直接接觸到陰道，咁你地嘅懷孕風險係好低嘅。因為精子需要媒介（精液同尿道球腺液當中嘅液體）提供營養先可以生存到，呢啲分泌物喺空氣中好快會乾，所以精子暴露喺空氣中好快就會死亡。如果你依然擔心嘅，你都可以考慮驗孕，見到驗孕結果令你安心啲嘅話都係可以做嘅。 :wink:

同埋想問返你食藥之前有冇睇醫生／詢問藥劑師意見呀？尿道感染係好常見嘅感染狀況，發現咗之後要盡快求醫，通過食藥等治療好快會好返嘅。但唔建議自行買藥食，因為唔清楚感染嘅情況，自己買嘅藥未必可以有效治療，甚至有機會對身體造成其他影響。如果你冇去睇醫生嘅，就盡快去睇啦。 :woman_health_worker:t2: :man_health_worker:t2:

尿道炎未痊癒之前，我地唔建議發生性行為，避免伴侶／陰道受到病菌感染。而且感染期間陰部皮膚更加脆弱，更加容易進一步受到感染。甚至有機會感染伴侶後，伴侶冇出現症狀，但病菌喺佢性器官到，下次再發生性行為嘅時候有機會再傳染返俾你。 :persevere:

下次再發生性接觸嘅時候，記得做好清潔，指甲嘅衛生都要注意（因為你有提及感染之前有手交），同埋即時唔係插入式嘅性行為，都可以使用安全套／口交膜／指套呢啲安全措施，咁就可以避免感染同埋懷孕風險啦。平日要做好日常清潔（康復期間更加要多注意），每日用溫暖嘅清水溫柔溫和地清潔陰部，穿著棉質底褲同鬆身下身衣物保持陰部清爽。補充足夠水份，唔好忍尿。性行為之後小便，可以沖走尿道口嘅細菌。 :wink:

同埋想提返你，治療尿道感染嘅消炎藥有機會會影響月經週期。所以你都可以做定心理準備，今個月嘅月經日期可能會有變化，如果遲咗出現都係正常嘅。到時就唔會緊張或者擔心啦。 :smiling_face_with_three_hearts:

4

Thanks​:kissing_heart:
我諗我都會驗一驗令自己放心啲，同埋都有溝通過暫時唔好有親密接觸先！想問下我大概隔幾耐可以驗？

5

Hello 你好啊，欣賞你同伴侶溝通達成共識後再決定喺感染尿道炎期間暫時停止性行為 ，好好保護雙方。:raised_hands: 見你提到因為發生性行為時喺月經周期第10日所以擔心有懷孕嘅風險，想提提你雖然以科學中嘅計算，安全期有兩個，以週期28日計算，第一個係月經後安全期，由經期開始嘅第1日至第 6日，第2個喺月經之前既9日，即係第20日至28日。但一個月經周期係由來月經嘅第一日直到下次嚟經前一日為止，所以現時你今個月未嚟月經的話，其實暫時都未知今個月嘅月經周期係幾長，亦無辦法預測到大概幾時係排卵嘅日子，變相亦都計算唔到所謂嘅安全期或危險期。而且28日一個週期只係科學嘅計算，並不能適用於全部女性。生理週期、排卵期亦可以被又太多不一樣的外在同內在因素影響到，所以計算安全期並唔係一個有效同可靠嘅避孕方法，亦都無辦法準確咁評估懷孕嘅風險。
驗孕的話，性行為嘅7日後已經可以驗出初步結果，而性行為嘅11日或者預計來經嘅日孕驗孕嘅結果會更為準確。建議最好使用晨尿來化驗，因為晨尿的hCG (人绒毛膜促性腺激素)水平一般較多，可以令試劑結果比較清晰。但如果太早測試，可能係尿液內嘅樣本未足夠呈現陽性反應，咁就要再進一步測試確定驗孕結果，又或者搵醫生做進一步嘅判斷。
只要跟足說明書既指示完成嘅話，咁基本上驗孕結果都喺可靠嘅～不需要太擔心 :raised_hands:。但如果都係對結果冇信心的話都可以到私家醫生求診，又或者到預約家計會嘅青少健保健中心嘅服務。 :+1:

6

唔好意思想問多少少問題，我之前有做過婦科問題，曾經發現過朱古力瘤同埋有水瘤，但係我對西醫嘅荷爾蒙療法過敏(口服避孕藥），所以經中醫調理已經有好大改善！
由於以上原因加上我和伴侶有共識唔想要小朋友，所以我有做基礎體溫及習慣經期中間時間有做排卵測試，我在今日(3/13)測到是排卵日及有腹痛感覺！因為我一直都有痛經問題，但係無試過排卵期有任何不適:persevere:
我真係好擔心係排卵痛還是我會有懷孕可能？我最快可以在親密接觸後做初步測試？因為真係好擔心:pleading_face:

7

hello 你好啊～ 其實都明白你同伴侶對生育嘅擔心 :pleading_face: :pleading_face:，但正如之前所講喺發生性行為之後7日就可以驗孕，而就算之前有確診朱古力瘤同水瘤都唔會影響到排卵同驗孕嘅結果 :raised_hands:。都可以留意番喺發生性行為後11日或者預計來經嘅日子驗孕嘅結果會更為準確。建議最好使用晨尿來化驗，因為晨尿的hCG (人绒毛膜促性腺激素)水平一般較多，可以令試劑結果比較清晰。

另外，都見到你有記錄來經時間同排卵測試，但喺經期同排卵日孕都受到唔同外在同內在因素影響，所以日子都未必一定準確嘅 :pleading_face:～所以如果真喺好擔心嘅話，都建議喺親密接觸後11日驗孕，又或者搵私家醫生驗血，驗血都喺一種比較可靠嘅驗孕測試～ 但如果你一直有持續痛經感覺，都建議搵私家醫生進行相關嘅檢查，了解確切嘅身體情況～