會唔會有懷孕?!

你好,我今日同男朋友一齊浸浴,我哋冇插入嘅性行為,不過大家嘅性器官有接觸同摩擦,請問懷孕機會大嗎?好焦慮!冇計錯嘅話依家係安全期(仲有一個星期嚟m),我意外懷孕嘅機會大嗎?
另外,之後同男朋友親熱時都有用安全套,都係冇插入、摩擦吓,應該冇事吧?

我最擔心都係沖涼嗰陣,求解,好擔心好焦慮!!

你好 @Janicechoy :wave:t2: :wave:t2:

你懷孕嘅風險係非常之抵嘅,唔使擔心。兩個人一齊浸浴係唔會導致懷孕嘅,即使男朋友嘅精子唔小心漏咗喺水裏面,都會因為水裏面嘅溫度比較高而死亡,如果你哋仲有用其他嘅沐浴用品,例如沐浴露、番梘、浴鹽、泡泡浴球等等,精子就更加容易死亡。而且係水入面嘅時候因為水壓,其實都可以阻止到有液體流入陰道,就好似你去游水都唔會有水因而進入陰道咁,所以即使水入面真係有精子(好大機會都死咗),亦無法流入陰道。 :sunglasses:

另外你哋喺體外磨擦,懷孕嘅風險都係好低嘅,除非你哋喺磨擦嘅期間,真係將陰道口同埋陰莖嘅馬眼對到正,而咁啱嗰時陰莖又有分泌尿道球腺液,而尿道球腺液都可以好順利咁進入陰道裡面,先至有懷孕嘅風險。不過由於你哋喺水裏面,發生呢種情況嘅風險並唔大。 :grimacing:

再加埋你哋喺親熱嘅時候有用安全套,亦都冇插入式嘅性行為,因此懷孕風險真係非常之低,唔使擔心。

而有關安全期嘅計算,以28日為1個月經週期嚟講,每一次生理周期總共有兩個安全期,以嚟M果日就係月經週期嘅第一日計起,由果一日開始計起頭7日就會係第一個安全期。第二個就係月經週期嘅最後7日。姐係月經週期嘅頭1-7日同21-28日都係安全期。亦即係可以理解為以月經嚟果一日作標準,前7日同埋後7日。而月經之後第8日到下一次月經之前6日都係危險期,呢段時間可能會令精子同卵子相遇而導致懷孕。 :smile:

同埋一個月經週期係計第一日嚟月經去到下一次嚟月經之前果一日,所以一日未嚟月經,我地都唔能夠知道佢嘅月經週期有幾長,變相都唔可以話知道佢嘅安全期或者危險期係幾時架。而且唔係每個人嘅週期日子都係28日,甚至未必每個月都一模一樣。所以計算安全期並唔係一個可靠嘅避孕方法或者評估懷孕風險嘅方式啊。 :relaxed: