請問一下
15/2那天進行性行為 有戴安全套
但完事後準備要拿出來的時候發現套子破掉了
在12小時後吃了事後丸 原本月經紀錄app 寫9/3黎
但依家目前都仲未黎
已經用驗孕棒驗過 係一條線
沒有懷孕
請問這樣懷孕機會高嗎？
不好意思 我好擔心 請問大家有冇相關經驗和通常食完試後丸幾時會黎m
Hello
緊急避孕藥係通過高劑量嘅荷爾蒙去抑制排卵或者干擾受精過程，從而達到緊急避孕嘅效果。而食完緊急避孕藥嘅其中一個幅作用就係會影響月經週期，每人身體狀況唔同，有啲人會提前亦有啲人會遲。甚至月經嘅血量、日子長短都會受到影響。而1至2次月經之後情況就會相對較為穩定返。 
事後丸係香港係屬於處方藥物，因為每個牌子所含嘅荷爾蒙都唔一樣，亦唔係每個人嘅身體都適合食事後丸，所以係食之前有徵詢過醫生嘅意見都評估就會穩陣啲。亦有一啲地方，例如家計會嘅診所，係會主動為求診者預約埋一個驗孕嘅日子，確保無懷孕。如果你哋食之前都有見過醫生，或者醫生有約期返去覆診驗孕的話，都可以打返去診所睇下可唔可以提早覆診。 
至於自行驗孕，係發生性行為11日後或者預計經期日子驗孕已經可以得到比較準確嘅結果。如果今日你驗孕結果係陰性，就證明你冇懷孕嘅。唔需要擔心。 
就算你今次冇食緊急避孕藥，其實月經週期日期發生變化都係好常見嘅。因為月經、排卵呢啲生理現象好容易受到其他因素影響，例如飲食、作息、荷爾蒙分泌、壓力、藥物等等。所以app嘅預計月經日期只係參考，未必好準確嘅。加上今次有事後丸嘅影響，已經唔能夠以原本app推算嘅日子作準確參考。同一時間，今個月即使無食過事後丸都唔代表月經一定就會係9號出現，所以都唔需要太擔心啊！ 
而安全套破裂嘅原因可能係因為配戴過程有問題或者潤滑不足，你可以參考返正確使用安全套嘅資訊（https://www.stickyricelove.com/post/__安全套 ），同埋可以考慮下次發生性行為嘅時候使用潤滑劑（可以參考：https://www.stickyricelove.com/post/__潤滑劑 ），咁就可以更加安心地享受性行為啦。 
所以我應該要等到第幾日再買驗孕棒再驗呀？
因為已經比預本預期9/3今日12號遲到四日啦
心情好忑忐不安 好擔心會中上網睇話早上第一次小便去驗最凖確
所以今朝再驗 都係陰性 但就係未黎m
好擔心
定應該去睇醫生檢查？
補充一下性行為係早上果日2/15 蚊出嚟發現個套穿咗嘅時候有一半嘅精液已經係陰道口 有啲係床上 跟住即刻去沖涼 就係擔心唔知有冇一半嘅精液入咗去陰道入面
之後下就2點幾食左事後丸 之後冇任何症狀
我已經隔兩日就買驗孕棒驗 都係陰性 我知可能驗得太密
但係真係好擔心 怕發現會中 而今日已經遲左黎m既第五日啦 仲未黎m 個胸一直又啲腫 但又冇咖啡色既分泌物 係一時有白色既分泌物 因為我未試過遲黎咁多日
究竟應該可以點做啊 心裏好焦急好擔心 我應唔應該去等多兩日 遲左第七日去睇醫生 謝謝你嘅解答啊 ！！
正如 @Ching_StickyRiceLove 所講，
一般受精卵著床需要大概6-9天，所以性行為7日後驗孕，已經可以有初步驗孕結果。而性行為11日後驗孕，驗孕結果已經會準確以及可靠嘅。加上緊急避孕藥嘅失敗率都較低 （單一荷爾蒙：2-3%；黃體激素受體劑：1-2%），暫時無需太擔心啊 
參考《家計會－緊急避孕》：
見你有提及到之前隔2日就會驗孕一次，而13/3（昨日）亦有再次買驗孕棒驗孕，距離15/2性行為已相隔26天，驗孕結果相信係準確以及可靠嘅。而昨日結果都係陰性，咁就可以放心啦 
。
有時壓力較大、情緒有起伏、生活作息唔定時等因素，都有機會導致月經來遲。見你有提及最近情緒都好焦急好擔心，可能有機會係月經來遲嘅原因。再加上本身服用事後丸後，有其中一個副作用係會影響之後1-2次月經嘅週期，所以暫時只係遲左5日，唔算好多，都可以再等多幾日先啊～ 現階段可以先嘗試放鬆一下心情，作息定時，希望都有助之後經期穩定番D。
請問最後有黎m嗎
我依家都經歷緊 又係遲左4日
你好呀
其實住咗四日都唔算好多，月經週期都會受到好多嘢嘅影響，例如生活嘅作息、情緒嘅波動、最近會唔會食過啲咩藥物、生活會唔會有好大嘅改變、睡眠嘅質素等等，都想知道你嘅情況係點樣架？係咪發生過一啲唔安全嘅性行為令你非常啲擔心呀？歡迎你開個新嘅post，我地再討論下。
我而家都係等緊，個心都好驚