救命 我極度懷疑自己未約炮就沉船
是咁的 上個星期性慾好大(而家變翻正常了) 貪新鮮上網搵sp(我係抱住睇下唔會真係約出去嘅心態) 點知搵搵下 原來有幾個都幾靚仔 之後有一個幾啱傾 就展開左對話 一開始傾 覺得傾得幾自然同開心 同埋覺得佢係我鐘意個type 咁就過左一兩日 我地有keep住傾少少 之後準備約出去啦 (其實我就無唸過咁急 不過見我都幾鐘意佢呢type 佢又係咁說服我 我就妥協了) 我當晚好忐忑 因為其實我都係未做好心裡準備 結果係第二朝 我同佢坦白+拒絕佢了
當然佢係想要約出去爆房 不過我放了佢飛機佢完全無話過我(本來好驚比人鬧) 跟住巧合下我地交換了ig(private) 之後我就開始係咁stalk佢 睇到佢啲相佢真係係我鐘意個type 而且我之前同佢對話我都覺得佢係我會鐘意嘅 之後我忍唔住再搵佢話想識佢 之後r佢傾計 佢都有樂意咁同我傾 我一見到佢復我都會好緊張 仲會有心動嘅感覺 莫非我鐘意左佢?(我仲係咁不由自主咁偷看他有沒有回復我的msg 有無睇到我的信息)
佢吸引我嘅唔止佢個樣 我都好難講 不過呢幾日相處落黎我覺得自己鐘意左佢
係我太饑渴定點(因為我覺得如果係其他男仔 個樣/性格係我鐘意個type咁同我傾計法我都會同上述有一樣情緒)
不過佢有透露過佢唔想拍拖 先搵sp 其實我當時放飛機唔係話唔想同佢有親密行為例如kiss同性行為 而係純粹無啦啦唔想有性行為 同埋我驚第一次見面尷尬 同埋爆房個地方好遠我懶得去 不過而家好似鐘意左佢。。。 我都唔肯定
其實唔單止今次 我發覺我唔識分清楚咩叫鐘意一個人 定純粹好感 請問可以點分辨
Hello~ 首先當我地遇到合眼緣同岩咀型嘅對象嘅時候，產生好感、想進一步了解對方係一件好正常嘅事 
不過見你提到本身係想搵sp，但係當發現對方同自己好傾得埋，而且亦都對自己好好嘅時候就慢慢鍾意左對方，而你亦都好在乎自己依種感覺，咁樣有可能係因為你唔止想要滿足性需要，而係情感方面嘅需要都想被滿足，所以你都可以思考一下自己到底係想要單純嘅性關係定係戀愛關係，如果你係想建立一段戀愛關係嘅話，咁對方就未必係合適嘅人選啦 
至於點樣判斷自己對對方係鍾意定係純粹好感，其實真係要睇你個人嘅感覺，不過我諗你有依個疑問部分原因可能係因為怕同對方一齊左之後先發現只係對對方有好感，而有關如何判斷對方係唔係對的人，我可以同你分享一段影片:
依段影片入面講到喺我地選擇戀愛對象嘅時候，除左要好好諗下自己嘅擇偶條件之外，了解自己，其實了解我地自己都好重要，因為好多時候我地個人嘅特質、經歷都會影響我地判斷對方係唔係合適嘅對象，所以影片入面亦都提到點樣可以透過了解自己去選擇真正適合自己嘅對象 
當發現心儀嘅對象對自己無意思嘅時候一定好難過同掙扎 
見你之前提到有時候唔知點樣分辨自己係唔係鍾意對方，都想了解多少少你今次係點樣確認自己係鍾意左佢？例如佢有咩吸引到你？同你過往嘅戀愛對象有無一啲共通點？另外，除左佢之前表示現階段唔想拍拖之外，佢邊啲行為同說話令你覺得佢唔係鍾意你？
我都唔識解釋
不過我而家真係鐘意左佢 但我明確咁同佢講左如果佢搵我剩係因為想約就唔好再傾計 之後過一日我無搵佢 佢之後個晚都有搵我一次 再隔兩日之後就開始完全無再講過野了我地 好苦惱應唔應該主動搵佢好 雖然搵佢都無咩好傾
點樣先可以令佢主動同我講野 或者同我分享更多佢嘅事
但同時我內心都矛盾佢只係渣男
好明白你而家嘅矛盾心情呀。感情煩惱的確有時會令我地不知所措，好似成日會不由自主咁諗起。 
不過，既然你話你地而家冇再傾計，就算你搵佢你都唔知傾咩。咁不如當比一段時間自己冷靜下，好好諗下自己想點。 
例如諗下你係咪真係鍾意佢？你係想認識一個新朋友，然後睇下有冇機會有更加親密嘅關係？定係純粹想有人陪伴／有性生活？你想認真去發展一段關係，友情又好、情侶又好；定係純粹想嘗試下有新鮮感？可能靜落嚟諗清楚自己嘅想法，都可以幫你疏理到你矛盾嘅心情㗎～又或者經過咗幾日，你覺得只係一時衝動，未必真係對佢有好感。尤其當你地初初認識，應該係最有熱情、對對方最好奇嘅階段，如果反而覺得好似冇乜話題，咁就未必係一種好夾嘅關係，都要再諗吓係咪適合再進一步發展落去。 
同埋呢段時間都可以調整下自己嘅心態。每個人對於感情／關係嘅諗法都唔同，正如你可能想慢慢了解對方多啲，而對方只係想有性關係。我地唔可以要求對方同自己對於關係嘅期望同界線一樣。如果我哋同對方諗法唔同，都唔可以強求對方要改變。
如果你諗好咗，真係想嘗試下主動同佢傾計，咁你都可以主動同佢講，話比佢知你想認識下佢，睇下佢會唔會都願意去認識同埋了解你。如果佢有回應，佢都想嘅，咁就傾下計相處下，睇下你地會唔會漸漸地有友情／親密關係。但心態上面，都要準備好，話俾自己知，佢唔一定會回覆你，或者佢未必想互相認識。如果佢拒絕或者唔理你嘅話，都要慢慢放低，唔好太過執著呀。因為對對方有好感，唔代表一定會發展成為情侶，就好似單戀／暗戀咁。如果你地對於關係嘅期望唔一致，例如佢想只要性滿足，而你想有感情投入／親密感，但你又真係好想同佢保持有一定嘅關係，咁就要睇下你自己接唔接受到呢一種嘅相處模式。你係咪可以接受佢對關係嘅態度同期望唔會因為同你相處咗／甚至發生過性行為而改變。如果你接受到嘅話，其實都可以發展你地雙方都同意嘅關係。 
如果你覺得自己一個諗會好困擾，你都可以同信任嘅人講，問下佢地意見，不過最終做決定嘅都係你。或者你未準備好同其他人講，咁都可以同朋友去下街傾下計，令到自己唔好過於專注喺呢件事到。如果你想，你都可以繼續同我地講，我地會盡力答覆你㗎！ 
我覺得我純粹就係比佢個樣吸引(雖然佢唔係話好靚仔個啲)，我呢幾日都不斷唸住佢 又會係咁上網stalk佢 睇佢啲相(同我以前暗戀人地嘅時候一樣
) 但其實我都知我同佢根本唔適合 生活圈子都完全唔一樣 我地而家無再有任何聯繫(因為其實我地唔熟無咩計傾所以我都索性唔搵佢) 但我誇張到係街到見到啲髮型差唔多嘅就會以為自己見到佢 好想睇下係咪佢(因為我無見過佢真人仲帶曬口罩所以我係撞到都未必認到) 我同個男性朋友分享過呢間事 佢就勸我放棄 其實我而家都好努力咁想放棄佢 唯有希望等時間慢慢過去可以淡忘呢段感情
btw 放棄其實係指放棄鐘意佢 唔係放棄追佢 因為我無勇氣追佢 即係無啦啦係咁wts人傾計好似好奇怪姐~因為我從來無試過追過人(以前都一樣唔敢追) 定係我應該試下再主動搵翻佢?(雖然我應該都係唔會同佢一齊到)
(佢唔鐘意我)
首先都好欣賞你有搵男性朋友傾傾，了解唔同人對於呢段關係嘅想法。 
有時透過同唔同朋友分享，都可以擴闊一下自己嘅想法，從唔同角度分析件事 