陰蒂處長了一粒類似痘痘的

1個半月前和女朋友性行為時,不小心用我的指甲病吉傷了女朋友的陰蒂,她當下很痛,雖沒有明顯傷口,但過了幾天她發現陰蒂處長了一粒類似痘痘的,說碰到會痛,平時會不舒適,及後一過了一個多星期她說痘痘有變小很多不會那麼痛,當下的痘痘裡有一小點白膿(我看到也像是快消退的痘痘),本以為會很快會好起來消失了,但現在一個多月了,她說痘痘還是沒有消失,會是普通的痘痘感染還是性痛?

你好 @swretbbq :wave:t2: :wave:t2:

都想知道你女朋友粒痘痘係喺陰蒂上面嘅包皮,定係喺陰蒂上面。因為陰蒂裏面會有好多神經末梢,唔小心整親嘅時候,係會非常非常之痛嘅。 :relieved:

其實陰部皮膚同身體其他皮膚一樣,有機會因為油脂分泌、缺乏清潔或者過度清潔而導致有類似暗瘡嘅油脂粒或者毛囊發炎。都可以留意吓除咗指甲刮損之外,平日女朋友會唔會都穿着比較緊唔透氣的內褲、使用含有化學品嘅清潔用品去清洗陰部或者缺少清洗,呢啲都係有機會導致呢啲粒粒嘅出現。呢類型嘅油脂粒只要唔好自行整穿佢導致有傷口引起發炎,一般慢慢都會消退嘅。當然都可以考慮去睇醫生,查一啲消炎或者減少油脂分泌嘅藥膏。 :relaxed:

我諗你最尾係想講性病係咪呀?你可以觀察下你女朋友嘅下體分泌物,會唔會有顏色變化、有啲豆腐渣嘅狀態,又或者有類似魚腥味道,如果都冇咩特別,只係有一粒痘痘嘅話,通常都係因為你嘅指甲裏面有細菌,唔小心整傷咗女朋友,傷口有少少發炎嘅狀況,同性㾞冇特別關係。不過如果你擔心嘅話,都可以一齊去社會衛生科度做全面性病檢查,咁樣就可以釋除你對性病嘅疑慮啦。 :wink:

1個讚

多謝你既回覆呀!!
粒豆豆係生係陰蒂上面嘅包皮,直到依家快2個月了,佢話我知依家唔痛,而粒豆豆原本入面既白色似濃既己經無左,粒豆變左肉肉地淡紅色,無變大變細或變多,但都係凸起既,不過佢唔肯去睇醫生。
謝謝你!!