性治療師入行

有興趣入行做sex therapist,想問可以喺香港讀咩course?上網唔係幾搵到資料,有冇人可以開心share​:see_no_evil:

你好呀 @Chin :wave:t2: :wave:t2:

香港對於性治療師嘅課程並唔多,早幾年《香港性教育、研究及治療專業協會》舉辦過幾屆嘅性治療師課程,嗰個係一個英國性治療協會認可嘅專業課程,不過佢嘅收生標準都需要有碩士或者以上嘅學歷,又或者係從事多年性教育工作嘅人士先至可以報讀。當你完成咗課程之後,就可以喺協會裏面登記成為on list嘅性治療師。協會最近呢幾年都有出一個性治療師嘅名單,畀一啲讀過性治療嘅人士加入,份名單就可以俾公眾參考。不過呢個課程最後一屆已經係2018年嘅事啦,而且之前都有詢問過,暫時呢幾年都唔會再舉辦相關嘅課程。 :disappointed:

喺香港的我會比較少性治療相關嘅課程,不過唔同嘅院校都有舉辦一啲短期嘅課程,都會有證書嘅,你可以嘗試去報讀下相關嘅課程,睇下啱唔啱自己,不過呢啲課程就唔足以成為性治療師。 :smile:

你如果真係好想成為性治療師,可能就真係要去到外國讀書啦,澳洲同美國都有相關嘅課程,而且有非常之嚴謹嘅註冊制度,好似美國嗰邊咁,你要喺American Association of Sexuality Educators, Counselors & Therapists 註冊咗先至可以執業,而每兩年就要親身去美國更新你嘅註冊,而每次更新註冊嘅價錢會係160蚊美金或者220蚊美金,視乎返你想註冊嘅會員類別。 :grinning:

美國嘅註冊性治療師審核係好嚴謹嘅,最基本要先有學歷同埋有相關嘅學習時數先至可以註冊。

學歷方面,你需要有碩士學位並且有兩年臨床經驗,又或者博士學位並且有一年臨床經驗。

不過如果你喺特定嘅州份, 有針對相關地區嘅學歷同埋證書, 可以獨立咁進行心理治療,又或者醫學上面嘅治療,只要工作嘅機構可以幫你寫轉介信,都可以用機構嘅名義幫你註冊。

美國嘅性治療師係需要學習至少90個小時嘅性教育相關課程,然後了解曬14個有關性健康同埋性歡愉嘅核心科目,先至可以叫做達到基本嘅要求。

仲要完成協會提供嘅60小時培訓,同埋參與至少10個小時嘅小組,小組內容大概係圍繞住對唔同性儀態嘅睇法,先至可以喺協會裏面註冊。

更進一步, 如果你想執業嘅話,就要完成三百個小時嘅督導臨床治療,包括個人同埋小組,先至可以攞到個執業證書,正式執業。

詳請可以參考協會嘅官網:https://www.aasect.org/aasect-requirements-sex-therapist-certification

但係澳洲嗰邊就會相對簡單得多, 只要喺澳洲相關嘅大學完成性治療師嘅課程,然後喺符合資格嘅協會裏面註冊,咁就可以成為性治療師啦,因為澳洲嘅機構比較多,所以就唔係呢素度詳細講啦,你可以參考 How to Become a Sex or Psychosexual Therapist – Society of Australian Sexologists