今朝7點，我同男朋友進行初次性交 (破處)，全程有戴套。過程中應該冇咩特別，都係開頭好！痛！陰道有被撐開嘅感覺，後來就好啲，都feel到舒服嘅。🥲 (應該唔關事：臨訓前有試過一次，不過過程唔順利 + 我痛，剩係入到個頭)
事後有去到小便，不過冇沖涼，尿液呈好淡好淡好淡嘅啡色。
之後幾次小便，尿液都係呢隻顏色，正常液體狀。
到夜晚11點再小便，抹嗰陣抹到唔少淡啡色、凝膠/啫喱狀(? 嘅分泌物
，同埋有少少血絲。
(抹第一下，主要係啲分泌物，唔太見到紅色。第二、三下就抹到好少好少分泌物，主要係紅色嘅血絲，不過都係好少。)
血絲我都大概明到，但想請問呢啲淡啡色凝膠狀分泌物係咩嚟？ 血mix分泌物？血mix分泌物mix處女膜組織？ 呢個情況正唔正常？
頗好奇同埋擔心，所以想嚟問問
補充：今日都仲有嗰啲淡啡色分泌物，不過冇琴日咁多
Hello @aaa1 
當陰道入面嘅血液需要額外時間排出體外時，血液就會氧化（oxidize），從而變成淺啡或者深啡色嘅分泌物。
第一次發生插入式性行為後，出現啡紅色、有少量血絲嘅分泌物係正常嘅現象。啡色分泌物有機會係：
1） 性行為過程中，因為摩擦而令陰道受損：陰道組織比較脆弱，性行為過程中，有機會陰道受到輕微擦傷，一般有機會持續出血約1-2日。
2） 性行為令到陰道冠有血管的部分破裂：陰道冠（俗稱處女膜）為結締組織，本身就有開孔，讓經血能夠流出。陰道冠亦並非所有部分都有血管，所以即使破裂受損，不一定會出現流血情況。如果性行為過程中，剛好令有血管的部分破裂，導致陰道出血嘅情況出現。
另外，因為陰道口嘅位置係一個肌肉組織，如果以往未嘗試過發生插入式性行為，或者係第一次有外物放入陰道，一開始時陰道口係需要多點時間慢慢適應。不過之後會隨著次數及時間，就會漸漸適應及有相對嘅彈性。可能正正就係因為第一次發生插入式性行為，過程中可能亦有少少緊張，肌肉就會再收縮左，令陰莖較難進入 
。
當陰莖較難進入陰道，而繼續勉強進入嘅時候，就有機會令陰道口造成細微嘅損傷。而當損傷真係好接近陰道口嘅時候，之後小便 / 內褲摩擦時就有機會再整到個傷口，未必咁快復原得到。所以呢幾日都可以小心D，例如小便嘅時候用紙巾慢慢印，或者下次性行為可以配合番適量嘅潤滑劑，減低番摩擦以及再次弄損嘅機會。
暫時如果啡色/帶血絲分泌物出現嘅情況無變得更多，或者出現異味的話，都無需太擔心啊～ 
唔該我點樣可以私底下搵你 我有D野想問你 令我困擾左好耐 我覺得你可以解答到我 我有相 我唔知點形容個情況比你聽~~ 唔該妳~~
Hello @Happy1
如果有咩問題想發問的話，都歡迎你可以開個post問，等我地糖不甩嘅人員回覆你啊 。
又或者你嘅疑問，未必想透過論壇嘅模式去發問的話，都可以考慮透過WhatsApp或者signal渠道問我哋 希望幫到你啦～
下體陰到出現左D啡啡地 黃黃地 帶有輕微既酸味好輕微
同埋個胸有D痛係咪黎M象徵？
唔該我想問電話Number係幾多?
我地嘅聯絡電話係 +852 6903 4682，留意番只能夠透過WhatsApp或者Signal聯繫 （唔接受致電聯絡） 回覆時間為14:30-23:30。
如果有問題想儘早發問的話，可以依家先將問題send比我地，不過都要留待聽日先會有同事回覆到你
最後都提醒番唔需要上載個人照片比我地，始終一方面個人私隱未能有保障，另一方面透過網絡平台發送較私隱嘅相片亦有機會構成刑事罪行啊 。希望你能夠明白。
下體陰到出現左D啡啡地 黃黃地 帶有輕微既酸味好輕微
同埋個胸有D痛係咪黎M象徵？
見你都有用其他平台聯絡我地，相信我地都解決咗你嘅擔憂啦。
出現啡色／帶血絲分泌物、胸部脹痛都係比較常見嘅經前症狀嚟嘅，會隨著月經出現消退嘅。
如果你之後仲有其他問題，都歡迎你問呀，我地會盡力解答嘅。你下次再有問題可以開個新嘅post問呀～ 