有啲驚有事.....

尋日同女朋友做愛
全程有用condom 但以女上姿勢射精
明明有好多下射精動作 (之前已經射咗一次)
但condom儲精無乜精液
我有禁實condom口(但無禁住全個口)
擔心會倒流 但又唔覺有流出 有注水 無破損
有啲擔心會有咗

Hello~ 如果有正確使用安全套嘅話,性行為嘅體位係唔會令精液/分泌物洩漏嘅,而見你提到性行為後有注水測試過無破損,所以精液流出嘅機會唔大嘅:blush: 唯一有可能嘅係安全套無緊貼陰莖,你可以留意下:
(1)安全套嘅尸寸是否合適
(2)套上陰莖時有無擠出儲精囊嘅空氣
(3)安全套係唔係有套至陰莖嘅根部
(4)轉換體位時有無換一個新嘅安全套

依四點都會影響安全套嘅貼服程度,如果全部都有做到嘅話,精液係唔會流出安全套外嘅,而且因為見你提到之前已經射左一次精,所以之後嗰次射精嘅量比較少都係正常嘅,所以唔洗太擔心:relaxed:

而如果真係好擔心有懷孕嘅風險嘅話,可以考慮去見醫生拎取緊急避孕藥,緊急避孕藥主要分為兩種,服藥時限分別係性行為後嘅72小時內或者120小時內,而緊急避孕藥喺香港係法定必須經醫生處方嘅藥物,所以如果決定採用依個方法嘅話建議盡快去睇醫生:woman_health_worker:t2::man_health_worker:t2: 你地可以到家計會嘅診所、母嬰健康院、婦科診所或者私家診所向醫生拎取緊急避孕藥。

原來轉位都要換condom 但我轉位到射出個condom都無位移 係咪都安全?

係阿~ 因為轉換體位期間陰莖抽出陰道時有機會令安全套鬆脫,你可以好似除下安全套嘅時候咁用手握住安全套嘅開口位置先抽出陰莖,以減低安全套鬆脫嘅機會,見你提到整個性行為嘅過程安全套都無鬆脫,咁精液/尿道球腺液就應該唔會外漏架啦:relaxed: 不過如果轉換體位後發現安全套已經無緊貼陰莖根部嘅話,就代表安全套己經開始鬆脫,依個時候就要換一個新嘅安全套啦~