。。,,,,

女友來月事時冇戴套性交,不過冇內射,會唔會有麼嘢感染病

Hello~ 性病會透過高風險體液 (例如精液、尿道球腺分泌、陰道分泌、血液等)傳播,當患者嘅體液直接接觸到對方身上嘅黏膜組織 (例如陰道、口腔、肛門等),而依啲黏膜組織又有破損淌血嘅情況下,就有機會傳染性病。所以照你所講嘅情況,你同女友喺嗰次性行為入面陰莖有插入陰道,而期間無使用安全套,加上男性受性刺激嘅時侯陰莖會自動分泌尿道球腺液,所以即使無內射都係有機會傳播性病嘅。

不過要留意嘅係,感染性病嘅前提係其中一方患有性病,所以如果你同女朋友喺過去3個月都有做過性病測試,而結果係無感染性病嘅話,咁發生性行為係唔會有感染性病嘅風險嘅:relaxed:

其實除左性病之外,亦都有其他經性傳播嘅疾病,例如常見嘅陰道炎,因為月經期間陰道會相對容易感染細菌,而性行為時有機會將細菌帶入陰道,所以都建議月經期間性行為時使用返安全套:blush:

咁大概幾大機率會中性病

補充一點,雖然上一個回覆提到如果你同女朋友喺過去3個月都有做過性病測試,而結果係無感染性病嘅話,係唔會有感染性病嘅風險,但係如果你地其中一方/雙方喺過去3個月都有多於一位性伴侶嘅話,就建議再次進行性病測試。

所以感染性病嘅機會都視乎以上提到嘅情況嘅,如果你或者女朋友其中一方係性病患者嘅話,咁無套陰道交嘅感染風險係高嘅,但如果兩者都唔係性病患者嘅話,咁任何形式嘅性交都唔會有感染風險。

如果好擔心感染嘅話,可以喺性行為嘅3個月後進行性病測試,因為如果喺未足3個月就進行測試嘅話,有機會因為未過部份性脅病嘅空窗期而影響結果嘅準確度,你地可以按經濟情況到提供免費測試嘅社會衛生科或關懷愛滋等機構,或者到收費較高但較快有報告嘅私家醫療服務中心進行測試。除此之外,現時部份個人護理店嘅網上商店都有出售自我檢測包,可以在家自行進行性病測試。