🙏🏻有d擔心

我一向經期都唔凖 23-40幾日都試過
上個月2月1日嚟m 但嚟咗十幾日先完:disappointed:不過血量唔多 應該就係2月12完
之後2月16有邊緣性行為 同男友有着褲磨擦 但我d分泌物太濕 佢嘅底褲都有小小濕咗 我見底褲仲有一小達透明濕濕地 應該係佢嘅前列腺液
想知會唔會有懷孕風險呀?

雖然我覺得冇咩可能 但我到而家隔咗咁耐都未嚟m 個心有d驚:disappointed:不過我都打算買驗孕棒驗下 但我覺得自己驗完都會擔心 因為太耐冇嚟m

希望你地可以解答下我 :see_no_evil:thankssss

想補充下最近個胸有啲唔舒服 感覺上大咗 乳頭好似比平時突同深色咗小小

上次嚟完m之後一直都冇咩白帶 但上一兩個星期開始白帶都多咗 一開始d白帶好黏同拉到絲 今個星期有d似乾咗一粒咁嘅白帶

→ 有關懷孕風險

如果你同伴侶都喺有著到內衣褲嘅情況下磨擦外陰,就算伴侶因為性興奮面排出含有精子嘅尿道球腺液,的確尿道球腺液會含有少量精子,所以外陰磨擦依然會有少許懷孕嘅風險 :pleading_face:。因為精子需要喺特定嘅環境下先至能夠存活到。精子一旦暴露喺空氣之中,都會好快死亡。另外精子暴露咗喺空氣當中都會好容易揮發、又或者比衣物吸收咗,所以精子失去咗活動嘅媒介其實都唔會存活到。所以如你描述嘅「非插入式性行為」導致懷孕嘅風險其實都好低~

另外都見到你希望購買驗孕棒驗孕。都欣賞你都選擇用驗孕棒呢種比較可靠嘅驗孕方法,始終都社會某部份人而言,aware自己有需要驗孕都喺一件唔容易嘅事。性行為嘅7日後已經可以驗出初步結果,而性行為嘅11日或者預計來經嘅日子,驗孕結果會更為準確。建議最好使用晨尿來化驗,因為晨尿的hCG (人绒毛膜促性腺激素)水平一般較多,可以令試劑結果比較清晰。都見到你自己比較擔心驗孕嘅結果,就算驗完都會擔心,都建議第一次可以買兩種唔同牌子嘅驗孕棒嚟測試,結果就會更為可靠同埋具參考價值~ 因為驗孕棒嘅參考價值都高,所以如果試咗兩種唔同牌子,都顯示咗同樣嘅結果嘅話,其實都唔需要太擔心~ 因為長期處於擔心嘅狀態,心情或者精神狀態都會影響經期 :pleading_face:。因為都留意你話經期嘅日子唔穩定,而且血量唔多,都有機會喺心情焦慮擔心之下影響嘅結果。

再加上其實都留意到就算進行「非插入式性行為」,你都會擔心 :sleepy: :sleepy:,亦都諗住買驗孕棒驗孕。所以建議現階段 體外磨擦都使用安全套。希望做咗安全性行為措施之後可以感覺安心少少 :pleading_face:~

→ 有關白帶同胸脹

胸脹同陰道分泌物(白帶)增多,都有機會喺懷孕嘅前兆,但都有機會喺唔同嘅原因引致。未必一定關於懷孕。陰道分泌物同胸脹都有機會因為來經前、荷爾蒙嘅轉變、排卵期嘅徵狀所導致。所以白帶喺無色無味嘅話,其實唔需要擔心,喺正常生理現象。如果喺質地同氣味異常,都建議去私家醫生求診,了解下身體狀況 :raised_hands:。

其實可以由分泌物嘅外觀(顏色)、氣味同痕癢程度分辦番,會唔會帶機會患上陰道炎。 都見到你有留意到分泌物喺白色同起豆腐渣狀,但喺都想問多少少:

  1. 分泌物嘅氣味?有冇强烈或輕微嘅腥臭味?
  2. 出現白帶嘅日子有冇感覺好痕?

最後其實我地機構都有做過關於女性分泌物嘅post,分別介紹細菌性陰道炎、念珠菌性陰道炎同滴蟲性陰道炎嘅徵狀 :smiling_face_with_three_hearts:。同埋真喺懷疑自己出現疑似徵狀嘅時候可以喺Rx標誌的藥房,向藥劑師問問,你都可以參考下~ 但最好都喺向醫生求診,了解多d身體嘅現況。又或者去家計會,家計會提供青少年保健服務~如果有需要都可以聯絡佢地。

https://www.instagram.com/p/Bwrg48TBdxj/

https://www.instagram.com/p/BwuAJxGBUk-/

https://www.instagram.com/p/BwxNM6bBqDc/

https://www.instagram.com/p/BxKIQQIB6uH/

白帶都係透明偏白色多 有時乾咗底褲上會見到有白色一達咁 氣味都有小小 不過唔太大味。

今日用咗晨尿check 2月中有性行為到而家結果係咪都凖架啦?

同想問下如果我嘅分泌物濕到佢嘅內褲都有d濕 咁會唔會增高精子嘅生存機會同游動能力呀?定其實反而會減低?因為雖有大家都有着褲 但濕咗俾我感覺好似會令精子游動到我嘅下體咁 (我想像力太豐富(;´༎ຶٹ༎ຶ`)) 所以先會有種唔安心嘅感覺

謝謝你呀>.<

「白帶都係透明偏白色多」都係一個白帶正常嘅狀況嚟嘅,氣味方面因為都會有少少嘅,只要唔係魚腥味同埋黃綠色都唔洗太擔心嘅。 :wink:

關於你2月中嘅性行為,其實唔使擔心,喺性行為11日後驗孕結果已經非常之可信,驗孕棒嘅原理係透過測試尿液內嘅hCG(人絨毛膜促性腺激素)嘅水平去檢測有無懷孕嘅,而受精卵著床大概需要6-9日,著床之後就會開始分泌hCG,咁所以係性行為嘅七日後驗嘅話就會有初步嘅結果,11日後更加準確嘅原因就係因為hCG嘅水平去到一個比較容易量度嘅水平,所以就更加容易驗得出有冇懷孕。而你已經係超過咗成個月嘅時間,hCG嘅水平已經非常容易可以驗得出,所以真係唔需要太擔心㗎,結果已經非常可信㗎喇。 :smile:

其實精子接觸到衣物之後好快就會死亡,因為佢非常之脆弱,係空氣之中幾分鐘就已經可以死亡,再加上遇上衣物嘅纖維,精子係好難生存嘅。其實精子要生存嘅環境非常之苛刻嘅,佢需要合適嘅溫度、水分、營養、環境先可以生存到,雙方衣物不斷摩擦更加會加速精子死亡速度,精子死亡就無可能游到入陰道架啦。 :relaxed: