好驚有bb...

就係22/3同左男朋友做,有套加外面射
但完事後發現個套最尾嘅位(姐係膠圈同塊膠連接位打橫分開左2cm)
計過黃金懷孕期係今日至下星期,好驚會唔會有左?求求大家覆因為真心驚:sob::sob:

你好呀 @Mushroom2 :wave:t2: :wave:t2: :wave:t2:

唔洗緊張嘅,你係喺進陰莖係身體裏面抽咗出嚟,射完先發現個套爛咗?呢個情況唔使擔心嘅,因為你成個射精嘅過程都離開咗陰道,因此精子都唔會接觸到卵子,懷孕嘅風險非常之低。 :grimacing:

定係抽出身體諗住射已經發現個安全套爛咗?其實呢個情況懷孕嘅風險都係好低嘅,因為一嚟你射精嘅過程唔係喺體內,同埋都係爛咗比較近陰莖根部嘅位置,懷孕嘅風險係好低嘅。不過如果你擔心嘅話,都可以去家計會見醫生拎緊急避孕藥嘅。家計會如果你係選擇用緊急避孕服務,係唔需要預約嘅,但係都建議你打個電話上去睇下有冇位先,免得你白行一趟呀嘛。 :crazy_face:

但係你嘅情況真係非常之低,如果真係擔心可以喺性行為之後嘅7日(29/3)驗孕得到初步嘅結果,喺11日(2/4)或者預計來月經嘅日子驗就可以得出更加可信嘅結果。 :smile:

另外你講到黃金排卵期,唔知你係用啲咩方法計出嚟㗎呢?我想同你講月經週期係會受到好多嘢嘅影響,例如生活嘅作息、情緒嘅波動、最近會唔會食過啲咩藥物、生活會唔會有好大嘅改變、睡眠嘅質素等等,而呢樣嘢個App或者一啲計算器係唔會有數據可以計算得到,因為佢只係用一般月經週期28日加埋之前你入落app或者計算器裡面嘅月經日子嚟估算你下一次月經嘅時間,所以只係可以參考,唔可以作準架。 :relaxed:

係出左黎射精後先發現!
而受孕期個個就係用網上啲apps計:joy:
唔該曬你嘅回覆呀🥲因為呢兩日真係驚到瞓唔著

姐係應該係中途爛左,不過係出左黎射左之後先發現🥲

好開心我地嘅回覆可以令你感到安心呀。 :relaxed:

雖然安全套有可能係中途爛咗,但係你都提到係抽出身體以外先射,所以都唔洗擔心嘅,因為你射嘅過程已經離開咗陰道,而且安全套係抽插過程中無甩到出嚟,精子係比較少機會接觸到陰道,懷孕嘅風險都係好低嘅。 :wink: