真係好驚有左、求解答🙏🏻

你好,我上次同男朋友有發生性行為有戴condom,冇射,同埋因為我地都驚所以只係插幾下就冇繼續。
距離上次黎M已經遲左8日,真係好驚中左無時無刻都勁大壓力
知道壓力大會影響月經,同埋自己胸有脹痛,有一時時腹痛,分唔清係懷孕初期定谷m⋯
好想放鬆但放鬆唔到:sob::pray:t2:

上網睇話黎m遲左7日就唔正常,有可以係中左或者月經不調,一直安心唔到

另外有check個套冇穿冇爛,但遲左8日真係好驚:pray:t2:
希望可以解答,自己仲讀緊書:pray:t2:有冇需要去買驗孕棒驗孕

上個月係18黎,今個月20有以上性行為到宜家26都未黎m​:pray:t2::pray:t2:
另外上個月27號亦有類似以上性行為。
真係好驚:pray:t2::pray:t2:麻煩大家解答:sob::pray:t2:

Hello
睇返你嘅情況,你2月27號同埋3月20號發生嘅性行為都有使用安全套,其實懷孕風險係好低嘅,唔需要太擔心。 :smiling_face_with_three_hearts:

首先想同你解釋返,其實安全套有好高嘅避孕成效:一般使用(typical use)嘅情況下成功率有82%,而完美使用(perfect use)嘅情況下成功率有98%。現時除咗完全唔發生性行為之外,暫時冇一種安全措施係有100%成功率嘅。但只要性行為嘅整個過程都有正確使用安全套,安全套冇穿冇漏,其實意外懷孕嘅機會都好低微嘅。而使用安全套嘅時候唔需要再「體外射精」,因為有時射精都相對比較難控制,要喺射精前抽出陰莖反而有機會造成安全套脫落/破裂等問題。關於正確使用安全套嘅資訊,你可以參考:https://www.instagram.com/p/B4EX0FVFLUf/?utm_source=ig_web_copy_link 。而有機會影響安全套避孕成效嘅因素可以睇下 https://www.instagram.com/p/CM4ereiDmIl/?utm_source=ig_web_copy_link ,只要下次再發生性行為嘅時候避免咗呢啲因素,全程都正確使用安全套,就可以安心咁去享受啦。 :wink:

而月經係由身體幾個繁複嘅系統互相配合而形成嘅,所以好容易受到其他因素影響,例如荷爾蒙分泌、飲食、作息、壓力、藥物等等。每一次嘅月經都係一個新嘅週期,未必會同之前嘅週期長度一樣㗎。所以一啲手機app/記錄估計嘅月經日期有時只係參考,唔可以好準確咁話俾我地知究竟邊一日月經一定會出現。正如你所講,壓力大都有機會令到你月經週期發生變化㗎。又或者你呢排會唔會休息得比較少?或者有冇服用過藥物? :face_with_monocle:
月經週期長度發生變化唔代表一定係懷孕嘅。你試下回想下之前係咪都有過月經「遲到」嘅經歷,最後月經都係會嚟嘅係咪?~ :thinking:
至於月經不調,其實一次月經變化未必係月經不調嘅。但如果你之後幾次嘅月經週期,長度、血量、日期都有好大嘅變化,咁就可能要諮詢下醫生,睇下有冇一啲病理嘅因素令你嘅月經突然好唔穩定。 :persevere:
胸部同腹部脹同痛係好常見嘅經前症狀,亦可能係初期懷孕症狀,同時都可能係因為其他原因造成,所以我地唔可以單憑呢啲症狀去判斷係咪懷孕/就嚟m。 :confounded:

既然呢件事令你咁擔憂,而且令你情緒好緊張,咁不妨買支驗孕棒睇下結果令自己心安啲。喺發生性行為嘅7日後驗孕已經可以得到初步結果,11日後就會得到比較準確嘅結果。所以如果你聽日進行驗孕嘅話,就可以好準確咁知道你2月27號嘅性行為有冇導致懷孕、同埋3月20號嗰次性行為嘅初步結果。可能你見到驗孕結果係陰性,就可以放鬆啲啦。 :relaxed:

見你話你同伴侶好驚,其實係咪擔心唔知點樣應對意外懷孕?定係擔心懷孕風險?如果你真係好擔心嘅,其實都可以考慮同伴侶商量下,睇下而家仲適唔適合發生陰道插入式嘅性行為。如果你地心理上未準備好嘅話,可以進行口交、手交呢啲懷孕風險好低嘅性行為。如果你地想發生插入式性行為,又擔心安全套嘅避孕成效唔夠,你都可以考慮下需唔需要服用避孕藥,配合埋安全套,多一分保障。口服避孕藥喺正確服用嘅情況下避孕成功率有99%,而且服用避孕藥亦可以令到月經穩定。不過建議第一次食避孕藥之前要諮詢下醫生意見,睇下你嘅身體狀況係咪適合食藥,同埋適合食邊一款藥。現時家計會診所/母嬰健康院/部分私家診所或醫療中心都有呢個服務嘅,有需要你就去諮詢下啦。 :woman_health_worker:t2: :man_health_worker:t2:

嘗試去放鬆下,做下你鍾意嘅事分散下注意力,月經應該好快會出現嘅。 :sparkling_heart:

感謝回覆!!:pray:t2:
睇返先知原來真正上個月嚟M係22號:confounded: 18號係得一滴血仔咁,所以而家都放鬆咗啲:confounded:
宜家都有keep住腹痛,但胸嘅脹痛消退左一半,想問問有冇代表着啲咩:disappointed::pray:t2:

正如 @Ching_StickyRiceLove 提及過咁,乳房脹痛、腹痛除左可能係懷孕初期徵兆之外,其實部分女性月經來潮之前都會有機會出現類似嘅情況,所以暫時都唔需要太擔心 :wink: 既然性行為期間有戴好安全套,咁以上情況由懷孕導致嘅機會係比較低,可能係經前症狀嘅機會較大。 其他常見嘅經前症狀,包括:肌肉酸痛、容易疲倦、分泌物增加等。經前症狀會因為每個人嘅身體嘅情況而有所唔同,唔係每一個女性,亦唔係每一次月經都會經歷經前症狀。所以出現乳房脹痛、腹痛嘅狀況,都唔一定係懷孕所引起 :blush:

有時月經來遲嘅原因,都有機會係由壓力過大、情緒有起伏等原因引起。見你有提及過之前因為擔心會懷孕,所以壓力都勁大,有機會令月經黎得比較遲。其他導致月經來遲嘅原因,包括生活作息唔定時、飲食唔均衡、最近生病有服藥(特別係抗生素)等。現階段可以放鬆多D心情,作息定時D,都有助月經黎得比較穩定 :smiling_face_with_three_hearts:

想問下如果有左嘅話由射精嗰日開始計 幾多日先會有嗰啲懷孕特徵

受精卵需要6至9日嘅時間著床,著床之後大概一個月就有機會開始出現懷孕初期徵狀。不過有邊啲徵狀、徵狀有幾明顯都係因人而異,個個人情況都可能唔同。有啲人懷孕第四周已經開始有好多唔舒服嘅情況,例如嘔吐;而有啲人臨近生產嘅時候先會有;甚至有啲人成個懷孕期間都冇乜唔舒服嘅徵狀㗎。 :blush:

與其靠啲徵狀估估下,不停咁擔心,不如真係自己去驗孕,睇下個結果。可能你見到驗孕結果係陰性,就會更加放鬆,月經自然會快啲出現啦。 :wink: