同男朋友試左幾次都做唔到

我係處,男朋友唔係,佢同上一個有做過。我同佢試過3、4次,前戲都應該夠,我下面都幾濕下,但佢都係入唔到,同埋整下整下佢都軟埋。有試過手指,但擺入少少我就覺得好痛,跟住佢有啲沮喪,同埋擔心我有陰道痙攣…令到而家大家心理壓力都大啲,大家應該點做好?

你好 @bluegtt34 :wave:t2:

如果之前未發生過性行為嘅話,的確需要多啲時間先可以進入到,同埋都要睇返對方尺寸嘅。另外都想知道你過往有無試過用手指插入陰道自慰嘅習慣?因為陰道係肌肉嚟嘅,當你未試過被任何物件插入嘅時候,肌肉本身會比較緊,再加埋你可能會緊張同驚,就會令肌肉更加收緊,係呢個狀態下有外物插入的話,都會比較困難同埋感到痛楚。 :smile:

陰道痙攣係指陰道嘅肌肉不自覺地收縮,因此冇辦法進行抽插嘅動作,如果你係未試過有性行為嘅話,未試過比較緊都係正常嘅,亦唔能夠單憑現在嘅情況判斷到係咪有陰道痙攣,所以暫時都唔需要太擔心住。 :grinning:

可以試下請你男朋友幫你按摩同刺激陰蒂,平日都可以試吓自己刺激陰蒂,等身體習慣一下呢個感覺。陰蒂其實係陰部之中比較敏感嘅地方,神經末梢比龜頭更多,所以比較多人會透過刺激音睇得到高潮。而且係陰蒂受到刺激之後,身體都會比較容易放鬆,都有助之後進行插入式嘅刺激。同一時間,其實性行為唔洗一定拘泥於一定要插入嘅,都可以試下係用手幫大家,嘗試下滿足嘅感覺先,減少因為壓力導致害怕性行為呢件事。 :relaxed: