擔心會中招

好擔心 好焦慮 所以希望比下意見我 :sob:

親熱時係無戴套既情況下插入左 插左幾下先制止 亦沒有內射 懷孕機會高唔高?

48小時後再食事後丸太會唔會太遲?

→ 無套插入

hello你好啊~ 如果無套之後插入性行為都會有一定嘅風險 :pleading_face:,雖然插入嘅時間唔算長,都冇內射,但喺陰莖興奮嘅時候都會流出透明液體,即喺尿道球腺液(Cowper’s fluid/pre-cum),當中有機會含有少量精子,仍然有機會導致懷孕。所以就算冇內射都好,仍然會有某程度上嘅懷孕風險。

→ 事後丸

事後丸嘅原理喺透過高劑量的人造荷爾蒙抑制排卵或干擾受精/著床過程,主要分為性交後72小時內(單一荷爾蒙)同性交後120小時內(黃體激素受體劑)兩種。所以回應翻你嘅問題:「48小時後再食事後丸太會唔會太遲?」其實喺唔算遲架~ :+1: :+1: :+1:

另外,都要留意翻事後丸喺香港屬於必須經醫生處方藥物,所以可以去家計會、私家診所、或者喺婦科診所見醫生,經醫生判斷你嘅身體狀況後再處方事後丸~我地機構以前都有出過關於事後丸嘅ig post,如果想了解更多嘅話都可以參考下~ :laughing:

【 藥劑連線 Pharmacists Connect @pharmacistsconnect x 糖不甩 | #女性健康專題 】