這一年發覺手淫多 約性伴侶出來時 仲覺得很易硬但就是做得太久 都射唔出 反而手淫便5分鐘完事
想問一問我是否需要戒或忍一排??還是心理問題
Hello
首先都想了解下你所講嘅「做得太久 都射唔出」其實時間大概係幾耐？性行為過程中陰莖有冇咩唔舒服？ 
你有講到你可以勃起、自慰嘅時候都可以射精，咁就應該冇一啲功能上嘅問題，唔使太擔心陰莖嘅功能。 
自慰嘅時候，你自己會好了解自己嘅陰莖受刺激嘅情況，同埋都好容易控制，例如掂到邊啲地方會更加舒服啲，用幾大嘅力度，速度有幾快等等。而陰莖可能都習慣咗呢一種刺激嘅模式。但係同其他人發生性行為嘅時候，對方未必可以好似你平時自慰咁去刺激你嘅陰莖。例如可能你平時自慰嘅時候鍾意大力啲、動作大啲快啲，但性伴侶可能動作相對慢啲，咁陰莖就會覺得呢啲刺激唔足夠，所以需要多啲時間多啲刺激先會射精。 
而的確有時心理因素或者其他身體因素都會影響性行為嘅射精狀況，例如太攰或者壓力比較大嘅時候，都可能會需要比較多刺激先可以射到精。 
你可以探索下自己嘅喜好，下次再同性伴侶發生性行為嘅時候可以同對方講你嘅喜好，多啲同對方溝通你嘅感受同埋你希望對方點樣令你更加舒服。可能咁樣就會更加容易令你感受到性刺激。而如果你真係好擔憂呢件事，你想停止自慰一段時間，其實都係可以嘅。 
最後都想同你講返，其實未必每一次性行為都要以射精作為結束。如果性行為嘅過程中你感受到性刺激同性歡愉，咁未必一定要射咗精先係完成咗一次性行為嘅。 
約莫20分鐘 性伴侶都乾 我都累，陰莖卻沒有什麼痛楚異樣，但就是射不出來 然後轉手自己抱著性伴侶 ，自己打出來卻很快
Hello 你好啊
→ 性刺激 
正如ching_StickyRiceLove所講，其實射精嘅所需嘅時間長短其實都唔太重要～相信對每一個人嚟講，偏好嘅性刺激同埋技巧都會唔同，都建議你可以同性伴侶分享你嘅性方面嘅習慣，令到大家更為容易達到高潮。另外，陰道交都唔喺唯一嘅方式嚟進行性交。可能性伴侶幫你自慰、打飛機嚟達致高潮都唔不失為一個好方法～
→ 潤滑劑
另外，都見你提到伴侶喺過程中會乾，都建議如果有需要可以使用潤滑劑。可以增加進行性行為嘅時候，雙方嘅舒適感，都可以減低性交當中嘅疼痛感～需要特別留意油性潤滑劑喺同乳膠安全套唔能夠一齊使用。因為磨擦有機會增加安全套穿嘅風險。我地機構之前都有出過關於潤滑劑嘅ig post，如果有興趣都可以了解更多使用潤滑劑嘅使用上嘅細節～
希望幫到你啦～ 
1個讚