會唔會懷孕.......

Hello 我上上個月經期係6/2-12/2, 上個月係9/3-15/3,個週期一路都算準(31日), 同男朋友1/4有親密過, 有戴套之後都Check 過冇穿冇爛. 5/4 都有但就無套外射…想問咁樣會唔會意外懷孕…
個app話我大概仲有4日就嚟m, 所以其實5/4個日係咪都算係安全期,呢幾日一路feel 到體溫上升同下腹個位有啲漲…

→ 懷孕風險 :dizzy:
hello 首先欣賞你使用安全套嘅習慣,同埋有意識完成性行為後檢查安全套有冇穿。回應01/04 性行為果次嘅風險先,一般嚟講安全套嘅成效喺平常使用嘅情況下,大約有85%-92% 。再加上你地事後都有檢查安全套喺冇穿嘅話,意外懷孕嘅風險其實好低,都可以放心。

而05/04 性行為,都唔太肯定你嘅意思喺進行性行為嘅時候,全程都有用套,只喺射嘅時候用冇套?定還是全程都冇用套,單靠體外射精嚟減低懷孕嘅風險? 如果喺後者嘅話,某程度上都會有意外懷孕嘅風險。因為陰莖性興奮時有機會流出透明黏稠液體,即是尿道球腺液 (Cowper’s fluid/pre-cum),當中有機會含有少量精子。所以都建議由性行為開始果刻,就戴上安全套。直至射精完結,再按實安全套嘅底部,退出身體。同時都要留意除套嘅時候需要用紙巾包住陰莖前端,連紙巾將安全套除,避免入面嘅分泌物飛濺。

→ 安全期計算 :dizzy:
另外,都見你有記錄來經日子嘅習慣,同埋平時來經嘅cycle都喺準嘅。但喺安全期都喺科學數字,並非喺每一個月、每一次來經都喺準確無誤~其實都有好多外在同內在嘅因素會影響月經週期,倒如情緒波動、荷爾蒙變化、生病、服用藥物、生活作息有改變等等。所以安全期嘅僅僅可以作為參考,如果來經日子同以往嘅唔一樣,都可以喺好多因素相互影響之下嘅結果。所以來經唔準時,都唔需要太擔心~

都見你提到自己有體溫上升、感覺上下腹漲嘅變化,雖然呢d 癥狀有機會喺懷孕癥狀,但喺都有機會喺來經嘅癥狀,無需要過份擔心~

→ 驗孕 :dizzy:
最後,都建議如果喺進行性行為之後,感覺好擔心嘅話都可以喺7-11日之後進行驗孕。當中最常見嘅驗孕方式喺使用驗孕棒,建議使用晨尿檢驗會比較準確。因為尿液內嘅hCG,即是人絨毛膜促性腺激素嘅數量會比較多,令到試劑嘅結果比較準確。因為晨尿比較濃縮,所以hCG水平都會比較高~最後提醒翻都要跟足驗孕棒嘅指示完成,希望可以幫到你啦~ :smiling_face_with_three_hearts:

我9/4用咗clear blue 個隻驗孕棒, 佢話係陰性, 但我唔係用晨尿驗… 想問個結果會唔會有影響, 因為我仲未黎m

由前兩日開始feel 到啲胸有啲漲痛, 但點解仲未黎m

Hello
因為受精同受精卵著床需要6-9日;所以喺性行為7日後驗孕,會得到初步結果,而11日後驗孕,會得到比較準確嘅結果。所以你4月9號嘅驗孕結果係4月1號嗰次性行為嘅初步結果,而4月5號嗰次性行為有冇導致懷孕,要等多幾日驗孕先有比較可靠嘅結果。 :blush:

之前有同你解釋過,如果你4月5號嘅性行為冇用安全套只係體外射精,其實都有一定嘅懷孕風險嘅。如果你好擔心,你可以聽日盡快去進行緊急避孕,因為緊急避孕藥同子宮環呢兩種緊急避孕嘅方法嘅時限都要係性行為後120小時內進行,所以你要睇下時間盡快去家計會診所/母嬰健康院/私家診所去見醫生拎緊急避孕藥/放置子宮環。如果你衡量完風險,覺得唔需要進行緊急避孕嘅,你都可以之後再進行驗孕嘅。 :relaxed:

現時市面上嘅驗孕棒都有好高嘅靈敏度同特異性(sensitivity and specificity),即使唔係用晨尿去驗,結果都有好高準確性嘅。建議使用晨尿係因為,如果有懷孕嘅話晨尿中嘅hCG濃度會相對比較高,用晨尿驗孕會相對更加容易得到結果。所以而家可以初步確認你4月1號嘅性行為冇導致懷孕,如果你擔心結果未必準確,你可以喺4月12號再驗孕。

胸部漲痛係其中經前症狀,而你之前所講嘅體溫變化、下腹不適都係。經前症狀喺月經前幾日至兩個星期都有機會出現,甚至每人每個月經週期會唔會出現/幾時出現經前症狀嘅情況都唔同。所以我地唔能夠單憑呢啲症狀去估計幾時月經會出現。 :grimacing:

建議下次再發生性行為嘅時候全程正確使用安全套,咁就可以更加安心。或者你都可以考慮其他避孕方法,例如荷爾蒙避孕法(避孕藥同避孕針),你可以資訊下醫生睇下你嘅身體狀況係咪適合使用,現時家計會診所/母嬰健康院/部分私家診所都有呢啲服務嘅。但要提返你,如果想預防性病或者其他感染(例如陰道細菌感染),咁就要配合埋安全套一齊使用。 :wink: