有高温有出血會唔會有咗

上個月M完一兩日同男朋友做 理應係安全期 有試過冇套插但冇射入去
之後排卵期身體有高溫 今朝發現下面流血 唔知係着床出血定嚟M?自己嚟M一向都係血量少嘅所以都唔太肯定 但係好擔心…

你好呀 @Ohocec :wave:t2: :wave:t2: :wave:t2:

安全期唔係一個有效嘅避孕措施嚟架,因為一個月經週期係計第一日嚟月經去到下一次嚟月經之前果一日,所以一日未嚟月經,我地都唔能夠知道佢嘅月經週期有幾長,變相都唔可以話知道佢嘅安全期或者危險期係幾時架。而且唔係每個人嘅週期日子都係好似啲app或者網上嘅計算器咁係28日,甚至未必每個月都一模一樣,所以計算安全期並唔係一個可靠嘅避孕方法或者評估懷孕風險嘅方式啊。同埋就算嚟緊M都唔代表唔會懷孕嘅,因為有啲週期比較唔穩定嘅人就算係嚟緊M期間都會排卵,甚至係嚟完M之後就已經排卵,而卵子排出後係身體都可以生存到2-3日,如果接觸到精子都會懷孕嘅。排卵期除非你每日根據醫生嘅指示用排卵棒去驗,如果唔係其實都唔會好準確咁知道幾時先係排卵期架。 :wink:

體外射精都唔係一個有效嘅避孕方法嚟架,陰莖係興奮勃起嘅時候,會有一啲透明液體流出,果啲叫尿道球腺液,裏面可能會含有少量嘅精子,而導致懷孕只需要一粒精子同埋卵子結合,因此體外射精並唔係一個有效嘅避孕方法。 :relaxed:

我地都唔可以用一啲症狀去判斷有無懷孕嘅,例如你所講嘅高體溫,除非你每日都keep住量體溫,你先知道當日嘅體溫比起你以往嘅體溫特別高。呢啲症狀都有可能係其他因素引起嘅,如果擔心嘅話,你都可以依家去驗孕嘅,因為呢段時間都係你預計嚟M嘅時間。 :smile:

通常著床嘅過程通常都係性行為後6-9日先出現,如果你已經過咗呢段時間,你見到嘅血就一定唔關著床性出血事嘅,除非你中間有發生過其他性行為。而且著床性出血並唔係懷孕後必然出現嘅情況,著床性出血並唔會好似月經咁持續一段時間嘅,通常都係喺一日內嘅一𣊬間就流完,而血嘅流量亦都係一塊護墊可以承載到嘅,如果你擔心都可以觀察多幾日,如果一直有流血,好大可能係月經嚟,唔洗擔心嘅。 :grin: