唔夠濕點算

我同男朋友都係第一次,最近有時候因為唔夠濕我會有少少痛同唔舒服,會有水但係好快乾,係唔係我問題,一開始可能原本仲好地地,戴個套嘅時間就乾咗
有咩方法解決

Hello
陰部喺受到刺激嘅時候會有分泌物出現幫助潤滑嘅,不過會有幾多分泌物都受唔少因素影響嘅,例如受到嘅刺激有幾強烈有幾耐、當時身體係咪好放鬆、當時係月經週期邊一日、有冇服藥等等,即使同一個人每一次發生性行為嘅時候分泌物嘅量都會唔同嘅。所以唔係你嘅問題唔需要擔心!同埋男朋友帶套嘅時候刺激冇咗,啲分泌物乾咗都係好常見嘅情況。 :wink:

如果潤滑不足就進行陰莖插入式嘅性行為,你會覺得痛、同埋有機會令到陰道破損、亦有機會造成安全套破裂。如果你覺得自己未夠濕潤,可以喺男朋友帶套之後再做多陣前戲,刺激下你嘅敏感部位令到你更加放鬆同埋舒服,等你準備好,先再插入。 :smiling_face_with_three_hearts:

或者你都可以考慮使用潤滑劑。建議使用水性/矽性/水矽混合性嘅潤滑劑;唔建議使用油性嘅潤滑劑,因為油性成分有幾會令乳膠安全套破損,同埋都有機會影響陰道健康嘅酸鹼平衡。關於潤滑劑更多資訊,可以參考返:

潤滑劑功能及使用方法 https://www.stickyricelove.com/post/潤滑劑功能及使用方法
潤滑劑種類 https://www.stickyricelove.com/post/潤滑劑種類

分泌物嘅量同對方嘅感情有幾深係無關係㗎,唔好覺得係唔係因為對方唔夠吸引而令自己「唔夠濕」,亦都唔需要好抗拒使用潤滑劑。而家有啲潤滑劑有啲特別嘅功能(例如冰感/刺激)/味道,同伴侶一齊去揀下你地想嘗試嘅潤滑劑都可以係一種好開心嘅體驗㗎~ :heart_eyes: