事前藥停藥後

我想問食咗一排事前避孕藥,如果停藥吾食,發生關係內射咗,想知停藥後幾耐就無效?

Hello @lwy :relaxed: :wave:t2: 最近有無發生過咩事,令你有呢方面嘅憂慮?

其實停服避孕丸後,就會即時恢復生育能力 ,所以停藥後如果無戴安全套發生性行為,亦會有懷孕嘅風險啊。所以都要提醒番,如果停藥嘅時候,其實係未準備好懷孕,咁就要記得戴番安全套,減低懷孕嘅風險啦。而經期方面,一般停藥後1至2個月內就會回復自然嘅排卵及月經週期 :blush:

其實考慮想要小朋友,但又吾知食避孕藥有無影響?

曾服用避孕丸嘅婦女較非用者,喺生育及胎兒健康方面並無分別。所以無需太擔心啊 :relaxed:

吾好意思,我想問停藥之後,頭一個月未有經期黎,係未都算安全?

就好似Sze咁講,其實喺停藥後身體就已經唔再由人造荷爾蒙抑制排卵,所以係立即恢復生育能力嘅,只不過因應每個人嘅體質,身體適應所需要嘅時間都唔同,所以有啲人可能停藥後立即回復正常月經,有啲人就可能需要過一段時間月經先回復正常,但即使月經未回復正常,都唔代表無懷孕嘅風險,因為停藥初期較難預計嚟經嘅日子,所以有機會宜家已經係處於排卵期,咁如果性行為時冇採用安全措施就有機會懷孕。