陰莖好似好短冇自信心

17歲但係自己條陰莖好似比同年紀啲人短 冇自信心驚之後女朋友會嫌棄我

hello~ :smiling_face_with_three_hearts: :smiling_face_with_three_hearts:

→ 社會約定俗成嘅觀念

首先好感謝你同我地分享關於性嘅煩惱 :raised_hands:,首先好想你明白陰莖嘅大小從來都冇特定嘅標準,幾長同幾短都唔需要同其他人比較。社會上對男女嘅身體都有一套評價同標準,以男仔嚟講,就喺陰莖喺長度、硬度同埋持久度。我地似乎都要符合社會嘅期望至合格,咁樣至可以搵到未來伴侶、令伴侶滿足。事實上兩個人嘅相處、兩個人行唔行得長久,喺由好多因素影響,例如性格、為人處事嘅態度、職業技能等等,性只喺其中一個因素。所以,好想你明白其實無需要因為陰莖長短而自責同憂慮~ :pleading_face: :pleading_face:

→ 性歡愉

另外,以香港男性陰莖平均長度喺11.9 cm,而香港女性陰道喺性興奮嘅時候長度喺9.5-10.5 cm。由此,以男性嘅平均長度嚟計算,陰莖喺足夠進入女性陰道同引起性歡愉。再者,女性嘅敏感帶通常都喺陰道口附近嘅位置,陰蒂都遍佈大量嘅神經未梢。所以刺激陰蒂對大部份女性嚟講,比插入更容易引起性歡愉。 :+1: :+1: :+1:最後,令大家滿足方式並不限於陰道交,愛憮、足夠嘅前戲、使用性玩具都可以令到伴侶享受性。如果獲取雙方嘅共識,其實都可以嘗試一下唔同方式滿足大家~ 希望幫到你啦~ :smiling_face_with_three_hearts: