4月8號黎m，4月10日黎m期間同女朋友扑野 全程冇用套 有bb嘅機會高唔高.
Hello 你好啊～ 
→ 懷孕風險
首先回應翻第一個問題關於大唔大機會懷孕：因為就算經期期間發翻性行為，依然會有某程度上嘅懷孕機會。 
因為男性在性興奮嘅時候會分泌出尿道球腺液（俗稱Pre-cum），內含少量精子。再加上見你提到發生性行為嘅過程中並冇戴上安全套。精子進入陰道之後嘅存活日子大約喺2-3日左右～ 所以如果對月經週期比較短嘅女性嚟講，排卵嘅日子都會相應提早。所以經期期間進行為性行為、又遇上排卵日、再加上又冇全程使用安全套嘅話，精子又喺體內存活2-3日，依然會某程度上嘅懷孕風險～ 所以都建議如果無懷孕計畫，做愛嘅時候都盡量使用安全套～ 簡單嚟講，對月經週期比較短嘅女性嚟講，喺月經愈後嘅日子，進行無套性行為嘅話，意外懷孕嘅風險都會相應提高。
經期受好多因素影響，例如荷爾蒙、情緒波動、藥物、生活作息嘅轉變等等外在同內在因素影響，很多時都需要等下次來經嘅時候先可以準確推算出上一次經期嘅排卵日同經期時間嘅長短。很多時「28日週期，第14日排卵」都喺科學上統計，並不能夠適用於每個人，同埋每一次經期情況～所以都建議無論有冇計算過安全期都好，都使用安全套保障雙方，避免意外懷孕嘅風險～
→ 驗孕資訊
另外，如果真喺好擔心意外懷孕嘅話，其實可以喺進行性行為後7日進行驗孕，得到初步結果。喺進行性行為之後嘅11日進行驗孕，就會得到更加準確嘅結果。當中最為普遍嘅驗孕方法喺驗孕棒～ 當中嘅原理係透過測試尿液內嘅hCG(人絨毛膜促性腺激素)嘅水平去測試，建議使用晨尿嚟測試，因為晨尿比較濃縮，所以hCG水平都會比較高，更加容易檢測～ 提醒翻都要跟足驗孕棒嘅指示完成，咁樣檢測結果至有更大嘅參考價值～
最後，其實使用安全套作用並不限於減低懷孕風險，都可以避免性病嘅傳播。如果用咗套，更加能夠減低細菌感染嘅機會～咁就能夠更加保障雙方，同享受到做愛嘅樂趣～ 